ខេត្តស្ទឹងត្រែង ៖ កម្លាំងនគរបាលប្រឆាំងបទល្មើសគ្រឿងញៀន របស់ស្នងការនគរបាលខេត្តស្ទឹងត្រែង បើកប្រតិបត្តិការបង្ក្រាប ករណីជួញដូរគ្រឿងញៀនឆ្លងដែនខុសច្បាប់ បានកាលពី ថ្ងៃទី 2 ខែឧសភា ឆ្នាំ 2019 វេលាម៉ោង 4 និង 20 នាទីល្ងាច ហើយនៅព្រឹកថ្ងៃទី៣ ខែឧសភា ឆ្នាំ ២០១៩ សមត្ថកិច្ច បង្ហាញមុខជនសង្ស័យទាំង2 រួមនឹងវត្ថុតាង កសាងសំណុំរឿងបញ្ជូនទៅតុលាការ។
សមត្ថកិច្ចបានឲ្យដឹងថា ក្នុងការចុះបង្ក្រាប ករណីជួញដូរគ្រឿងញៀន ឃាត់ខ្លួនជនសង្ស័យ 2 នាក់ ដកហូតវត្ថុតាង គ្រឿងញៀន ប្រភេទ មេតំហ្វេតាមីនក្រាមពណ៌ស ហៅម៉ាទឹកកក់ មួយកញ្ចប់ធំមាន ទម្ងន់ ប្រមាណជា 1 គីឡូក្រាម ។ ការឃាត់ខ្លួនជនសង្ស័យ សមត្ថកិច្ចបានឲ្យដឹងផងដែរថា ធ្វើឡើង នៅលើកំណាត់ផ្លូជាតិលេខ 9 ត្រង់ចំណុច ផ្លូវបំបែក ចូល ភូមិព្រះរំកិលត្រង់ ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
សមត្ថកិច្ចបានបន្តទៀតថា ជនសង្ស័យ ដែល កម្លាំងសមត្ថកិច្ច បានធ្វើការឃាត់ខ្លួន ទាំង 2 នាក់នោះ មានឈ្មោះ ទីមួយ សុំ សាង ភេទប្រុស ជនជាតិខ្មែរ អាយុ 70ឆ្នាំរស់ ភូមក្រោម ឃុំព្រះរំកិល ស្រុកថាឡាបរិវ៉ាត់ ខេត្តស្ទឹងត្រែង ទឺ2 ឈ្មោះមុត សៃ ភេទស្រីអាយុ 60ឆ្នាំជនជាតិខែ្មរ រស់នៅ ភូមិកណ្តាល ឃុំព្រះរំកិល ស្រុកថាឡាបរិវ៉ាត់ ។ សមត្ថកិច្ចបានបន្ថែមថា បន្ទាប់ពីបានឃាត់ខ្លួនជនសង្ស័យរួចមក សមត្ថកិច្ចបញ្ជូនជនខ្លួន និងវត្ថុតាងគ្រឿងញៀន មកកាន់ស្នងការនគរបាលខេត្តស្ទឹងត្រែង ដើម្បី បន្តនីតិវិធី ទៅតាមផ្លូវច្បាប់ ៕ ដោយ៖បញ្ញាស័ក្តិ
