Wednesday, July 24, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បើករថយន្តដឹក​បន្លែ ទៅ​បុក​រថយន្ត​ពីក្រោយ ស្លាប់​ព្រូឡាន​ម្នាក់ តៃកុង​រថយន្ត​បង្ក​រត់​បាត់​

spot_img

​បាត់ដំបង​ ៖​ គ្រោះថ្នាក់​ចរាចរ​រវាង​រថយន្ត​ធុន​ធំ​ដឹក​បន្លែ បើកបុក​រថយន្ត​មួយទៀតពីក្រោយ បណ្តាល​ឲ្យស្លាប់​ព្រូឡាន​ម្នាក់ គាប​ជាប់​ក្នុង​រថយន្ត កាលពី​រំលងអធ្រាត្រ ឈានចូល​ថ្ងៃ​ទី​១៧ ខែ​​ឧសភា ឆ្នាំ​២០១៩ នៅលើ​ផ្លូវជាតិ​លេខ​៥ ស្ថិតក្នុង​ក្រុម​ទី​១០ ភូមិ​ថ្នល់​បត់ ឃុំឫស្សី​ក្រាំង ស្រុក​មោងឫស្សី ខេត្ត​បាត់ដំបង​។​

លោក​អនុសេនីយ៍ទោ​ម៉ៅ ហ៊​ត មេបញ្ជាការរង​មូលដ្ឋា​អាវុធហត្ថ ស្រុក​មោង​ឬ​ស្សី បានឱ្យដឹងថា សព​ជនរងគ្រោះ​ជា​ព្រូឡាន មិន​ស្គាល់​អត្តសញ្ញាណ​។ ចំណែក​អ្នកបើកបរ​រថយន្តរ​ង​គ្រោះ រង​របួសស្រាល ឈ្មោះ ​ណុប ពេញ ភេទ​ប្រុស អាយុ​៤៦​ឆ្នាំ មុខរបរ​បើកបរ ស្នាក់នៅ​សង្កាត់​ទឹកល្អក់​២ ខណ្ឌ​ទួលគោក រាជធានី​ភ្នំពេញ​ ។ ដោយឡែក​តៃកុង​រថយន្ត​បង្ក មិន​ស្គាល់​អត្តសញ្ញាណ បាន​រត់គេចខ្លួន​បាត់ ដោយ​ទុក​រថយន្ត​ចោល​។

លោក​មេបញ្ជាការរង​ប៉េអឹម​ស្រុក​មោង​ឬ​ស្សី បានបញ្ជាក់​ថា មុនពេល​កើតហេតុ​មាន រថយន្ត​១​គ្រឿង ម៉ាក​ហ៊ីយ៉ាន់ដាយ ទម្ងន់​៥​តោន ដឹក​បន្លែ ពណ៌​ខៀវ ពាក់​ស្លាក លេខ​ភ្នំពេញ ​3 E 5820 អ្នកបើកបរ​មិន​ស្គាល់​អត្តសញ្ញាណ បាន​រត់គេចខ្លួន ធ្វើដំណើរ​ទិស​ពីភ្នំពេញ​ទៅ​បាត់ដំបង ពេល​មកដល់​ចំណុច​​ខាងលើ បាន​បើក​កៀរ​រថយន្ត​១​គ្រឿង​ទៀត ម៉ាក​​ហ៊ីយ៉ាន់ដាយ ពណ៌​ស គ្មាន​ស្លាក​លេខ ដែល​បើក ដោយ​ឈ្មោះ​ណុប ពេញ ហើយ​ជ្រុល​ទៅ​បុក​ពីក្រោយ រថយន្ត​១​គ្រឿង​ទៀត មិន​ស្គាល់​ម៉ាក អ្នកបើកបរ​មិន​ស្គាល់​អត្តសញ្ញាណ បើករថយន្ត​គេចខ្លួនបាត់ បណ្តាលឱ្យ​ស្លាប់​ព្រូ​រថយន្ត​ហ៊ីយ៉ាន់ដាយ ដឹក​បន្លែ​១​នាក់ គាប​ជាប់​ក្នុង​កាប៊ីន​រថយន្ត​។​
សមត្ថកិច្ច​ជំនាញ​ចរាចរណ៍​ស្រុក​មោង​ឬ​ស្សី បានបញ្ជាក់​ថា កំពុង​ស្រាវជ្រាវ​រក​ក្រុមគ្រួសារ មក​ទទួលយក​សព​៕​ ដោយ​៖​បញ្ញា​ស័ក្តិ​

spot_img
×