កណ្តាល៖ នគរបាល ស្រុកល្វាឯម បានឲ្យដឹងថា ករណីអត្តឃាត ស្ត្រីម្នាក់បានទាញយកកាំភ្លើងខ្លី បាញ់សម្លាប់ខ្លួនឯង កើតហេតុនៅ ថ្ងៃទី២០ ឧសភា ២០១៩ វេលាម៉ោង១៦និង៣០នាទី នៅចំណុចកំពង់ទឹកទន្លេ ភូមិខ្សាច់ ឃុំអរិយក្សត្រ ស្រុកល្វាឯម ខេត្តកណ្ដាល ។
នគរបាលស្រុកល្វាឯម បានឲ្យដឹងថា ជនរងគ្រោះឈ្មោះ ណុប វណ្ណី ភេទ ស្រី អាយុ ៣៤ឆ្នាំជនជាតិ ខ្មែរ មុខរបរលក់ដូរ មានទីលំនៅភូមិទួលមាស ឃុំអរិយក្សត្រ ស្រុកល្វាឯម ខេត្តកណ្ដាល។ ប្តីឈ្មោះ អ៊ុក ជីវ៉ា ភេទ ប្រុស អាយុ ៤៣ ឆ្នាំ ជនជាតិខ្មែរ មុខរបរ នគរបាល ឋានៈនាយផ្នែកការិយាល័យស៊ើបអង្កេតនឹងអនុវត្តន៍នីតិវិធី នៃនាយកដ្ឋានអន្តោប្រវេសន៍។ វត្ថុតាងចាប់យក ១.អាវុធខ្លីចំនួន០១ដើមម៉ាកCF98.9 លេខ០០១១៦៩ ។ ២.គ្រាប់ចំនួន១២គ្រាប់។
នគរបាលបានបញ្ជាក់ពីសភាពនៃរឿងហេតុនេះថា មុនពេលកើតហេតុជនរងគ្រោះបានទៅងូតទឹកលេងនៅទន្លេមេគង្គ ចំណុចកោះខ្សាច់ ជាមួយប្តីឈ្មោះ អ៊ុក ជីវ៉ា និងកូនចំនួន០៣នាក់ ស្រី២នាក់ និងក្មួយស្រីចំនួន ២នាក់។ រួមមាន ១.ង៉ែត ជីវ៉ា វ៉ាន់នីតា ភេទ ស្រី អាយុ១៣ ឆ្នាំ ២.ង៉ែត វ៉ាន់នីកា ភេទស្រី អាយុ ៩ ឆ្នាំ និង៣.ង៉ែត ជីវ៉ាយុត្ថាគង្គ ភេទ ប្រុស អាយុ៧ឆ្នាំ (ត្រូវជាកូន) និង ៤.សេង សុខលាង ភេទស្រី អាយុ១៣ ឆ្នាំ ៥.គង់ ស្រីឡែន ភេទស្រី អាយុ ១៣ ឆ្នាំ (ត្រូវជាក្មួយជិតខាងផ្ទះ) ។ ពេលចុះងូតទឹកទន្លេជនរងគ្រោះមិនបានចុះងូតទេ គឺសម្រាកក្នុងរថយន្ត លុះដល់ម៉ោងកើតហេតុខាងលើប្តីជនរងគ្រោះ បានឡេីងមកពីងូតទឹកវិញ មកដល់រថយន្ត បានឃើញប្រពន្ធដេកហេីយមានឈាមហូរលេីដៃស្តាំ ក្នុងរថយន្ត ដៃស្តាំគង លេីភ្លៅឆ្វេង កាំភ្លេីងអែមភ្លៅឆ្វេង និងស្នាមគ្រាប់កាំភ្លើងលើសៀតផ្កាខាងស្តាំដោយមានគ្រាប់កាំភ្លើងបៀមជាប់ចំណុចថ្ងាស។ ភ្លាមនោះប្តីជនរងគ្រោះបានដឹកប្រពន្ធមកផ្ទះ ហេីយបានទៅប្តឹងសមត្ថកិច្ចប៉ុស្តិ៍អរិយក្សត្រ។
តាមការស្តាប់ចម្លេីយបំភ្លឺរបស់ប្អូនស្រីបង្កេីតរបស់អ្នករងគ្រោះណុប ស្រីរ័ត្ន បានអះអាងថា ជនរងគ្រោះមានជំងឺវះក និងដោយភាពរុាំរ៉ៃនៃជំងឺពិបាកទ្រាំ និងចង់សម្លាប់ខ្លួនជាច្រេីនលេីកមកហេីយ។
តាមចម្លេីយបំភ្លឺរបស់ឈ្មោះហ៊ីម មាន អាចារ្យវត្តអរិយក្សត្រអះអាងថា ជនរងគ្រោះ ប្រាកដជាមានជំងឺ រុាំរៃ៉ ធ្លាប់ទៅព្យាបាលនៅមន្ទីរពេទ្យ និងប្រហែលកន្លះខែមុនមានបំណងចងក និងលេបថ្នាំសម្លាប់ខ្លួន ។
តាមការស្តាប់ចម្លេីយបំភ្លឺរបស់ឈ្មោះ ១. ង៉ែត ជីវ៉ា វ៉ាន់នីតា ២.ង៉ែត វ៉ាន់នីកា ៣.ង៉ែត ជីវ៉ា យុត្ថាគង្គ ៤.សេង សុខលាង ៥.គង់ ស្រីឡែន បានឆ្លេីយថា ពេលកំពុងមុជទឹក ជនរងគ្រោះបានឡេីងមកសម្រាន្តនៅក្នុងរថយន្តតែម្នាកឯងទេ។ ក្រោយពីបានមុជទឹករួច ក៏នាំគ្នាឡេីងមករថយន្ត ក៏បានឃេីញជនរងគ្រោះដែលត្រូវជាម្តាយដេកនៅក្នុងរថយន្ត មានហូរឈាម ស្លាប់។
តាមការពិនិត្យសាកសព មានស្នាមរបួសចូលទំហំ២,៥សង់ទីម៉ែត្រ នៅសៀតផ្កាស្តាំ មានក្បាលគ្រាប់បៀមលេីត្រចៀកឆ្វេង ត្រង់សៀតផ្កា របួសកាត់ទទឹងស្មេី។
តាមការសន្និដ្ឋានរបស់នគរបាលកោសល្យវិច័យថា ករណីនេះ ពិតជាអត្តឃាត(បាញ់សម្លាប់ខ្លួន ដោយអាវុធខ្លី)។
សាកសពជនរងគ្រោះ បានប្រគល់ជូនក្រុមគ្រួសារ ធ្វេីបុណ្យតាមប្រពៃណី៕ ដោយ៖កូឡាប
