ភ្នំពេញ ៖ ក្រសួងរ៉ែ និងថាមពល និងអគ្គិសនីកម្ពុជា នៅព្រឹកថ្ងៃទី២៣ ខែឧសភា ឆ្នាំ២០១៩ ចូលបំភ្លឺនៅឧត្តមក្រុមប្រឹក្សាពិគ្រោះ និងផ្តល់យោបល់ ដោយធ្វើបទបង្ហាញរបស់ពាក់ព័ន្ធនឹងបញ្ហាមួយចំនួន ក្នុងការបំពេញការងាររបស់ខ្លួន នៅទីស្តីការគណៈរដ្ឋមន្ត្រី ដែលដឹកនាំដោយលោក ស៊ុយ សែម រដ្ឋមន្ត្រីក្រសួងរ៉ែ នឹងថាមពល និង លោក កែវ រតនៈ ប្រតិភូអមនាយករដ្ឋមន្ត្រី ទទួលបន្ទុកអគ្គិសនីកម្ពុជា ដឹកនាំមន្ត្រីជំនាញរបស់ខ្លួន ។
បើតាមលោក ពេជ្រ ស្រស់ ប្រធានគណបក្សយុវជនកម្ពុជា និងជាសមាជិកក្រុមប្រឹក្សាពិគ្រោះ និងផ្តល់យោបល់ បានបញ្ជាក់ថា នៅថ្ងៃទី២២ ខែឧសភា ឆ្នាំ២០១៩នេះថា លោកនឹងលើកយកប្រធានបទចំនួន៣ ដើម្បីជជែកជាមួយ លោក ស៊ុយ សែម និងលោក កែវ រតនៈ ក្នុងនោះរួមមាន ទី១៖ ករណីលក់ភ្នំ, ទី២៖ ករណីលក់ខ្សាច់ និងក្រុមហ៊ុនទ្រីភាព និងទី៣៖ ករណីដីរបស់ក្រសួងពាក់ព័ន្ធ និងដីប្រជាពលរដ្ឋផងដែរ៕ ដោយ៖បញ្ញាស័ក្តិ
