ខេត្តព្រះសីហនុ៖ នៅព្រឹកថ្ងៃទី៣០ ខែមិថុនា ឆ្នាំ២០១៩ លោក គួច ចំរើន អភិបាលខេត្តព្រះសីហនុ ដែលទើបចូលកាន់តំណែងថ្មី បានដឹកនាំមន្រ្តីអញ្ជើញចុះពិនិត្យស្ថានភាពឆ្នេរឯករាជ្យ ក្រុងព្រះសីហនុ ដើម្បីជំរុញដល់ដំណើរការអភិវឌ្ឍន៍តំបន់ឆ្នេរសមុទ្រ ឲ្យមានសោភ័ណភាព។
នាឱកាសនោះ លោក គួច ចំរើន បានបង្ហាញការប្តេជ្ញាចិត្តថា នឹងកែលម្អតំបន់ឆ្នេរទាំងអស់ នៅខេត្តព្រះសីហនុ ឲ្យមានសោភ័ណភាព ស្រស់ស្អាតប្លែកជាងពេលបច្ចុប្បន្ននេះ រួមមានដូចជា៖ ក្រាលឥដ្ឋការ៉ូឡា សម្រាប់ប្រជាពលរដ្ឋ ធ្វើដំណើរលំហែរ រៀបចំសណ្តាប់ធ្នាប់ អនាម័យ និង បរិស្ថានផងដែរ៕ ដោយ៖ ដែន សីមា
