ទំនាក់ទំនង ពេជ្រ សោភា និងគូស្នេហ៍លោក ឆឹម កក្តដា ដ្បិតតែឧស្សាហ៍បង្ហាញសកម្មភាពបណ្តើរគ្នាទៅណាមកណាដូចប្តីប្រពន្ធបង្ហាញមុខមហាជនតែតារាស្រៅល្បីឈ្មោះរូបនេះបានប្រាប់ថា នាងមិនហ៊ានស្និទ្ធស្នាលលើសពីនេះទេ ព្រោះខ្លាចមានការរិះគន់ ពីទស្សនិកជន ព្រោះពួកគេមិនទាន់ក្លាយជាប្តីប្រពន្ធ ដោយបានរៀបការតាមប្រពៃណីនៅឡើយ។
រហូតមកដល់ពេលនេះចំណងស្នេហ៍ ពេជ្រ សោភា និង ឆឹម កក្តដា នៅតែល្អែមល្ហែមមិនមានលេចចេញសញ្ញាប្រេះបែកនោះទេ ខណៈដែលពួកគេក៏បានដាក់គោលដៅដៃដឹកគ្នាចូលរោងការ ពេលដែលគេយល់ចិត្តគ្នាច្បាស់មួយរយភាគរយ។ ទន្ទឹមគ្នានេះតារាស្រីកំពុងឡើងកូដបានបង្ហាញក្តីស្រឡាញ់ចំពោះគូស្នេហ៍ជាខ្លាំង ដោយនាងតែងតែបង្ហាញរូបថត ថតទល់ច្រមុះ និងឱបគ្នា ដែលជាសញ្ញាបង្ហាញឲ្យឃើញថា ចំណងស្នេហ៍ពួកគេនៅតែរក្សាបានល្អ។
ពេជ្រ សោភា បានបញ្ជាក់ថា “សម្រាប់រូបនេះខ្ញុំគឺហ៊ានស្និទ្ធស្នាលជាមួយបង កក្តដា លើសពីនេះទេ ដោយសាររូបភាពប៉ុននេះអាចទទួលយកបាន តែបើលើសពីនេះខ្ញុំជឿថា អ្នកគាំទ្រខ្លះគាត់ទទួលយកមិនបាន ព្រោះតែអ្នកសិល្បៈសម័យនេះមានអ្នកខ្លះធ្វើលើសច្រើនៗ ដែលមានគេយល់ថា ប៉ះពាល់ដល់វប្បធម៌ប្រពៃណីខ្មែរ៕
