ឆ្នាំជូត
រាសីខ្ពស់ត្រដែត ។ ការងារ អំណោយផលល្អ មានអ្នកជួយជ្រោមជ្រែងដោះស្រាយបានអស់នូវឧបសគ្គមុនៗនេះ ។ លុយកាក់ចំណូលប្រចាំថ្ងៃមានការកើនឡើងក្រាស់ក្រែលជាងសព្វមួយដង ។ ចំពោះអ្នកប្រករបរជួញដូររកស៊ីតែងផ្តល់ផលល្អហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាសមតាមបំណង ។ ការធ្វើដំណើរឆ្ងាយជិតជួនសេចក្តីសុខក្សេមក្សាន្ត ។
មនោសញ្ចេតនា ស្នេហាប្រុសស្រីថ្ងៃនេះល្អសម្រាប់ការស្វែងរកស្នេហ៍ពិតប្រាកដ ៕
ឆ្នាំឆ្លូវ
រាសីខ្ពស់ត្រដែត។ ការងារ ស្ថិរភាព មានអ្នកជួយយកអាសារាល់បញ្ហាដែលកើតមាននៅក្នុងការងារនឹងដោះស្រាយបានដោយរលូន ។ ចំពោះអ្នករកស៊ីជួញដូរវិញទោះជួញទីជិតក្តីឆ្ងាយក្តីតែទទួលបានផលចំណេញមកវិញកាក់កបល្អណាស់ ។
មនោសញ្ចេតនា បញ្ហាសេ្នហាកំលោះក្រមុំរីករាយ កក់ក្តៅ ៕
ឆ្នាំខាល
រាសីស្រុតចុះ ។ការងារ ស្ថិរភាព គួរមានផែនការដោះស្រាយ ឲ្យអស់នូវបញ្ហាកំពុងកកស្ទះ ។ លុយកាក់ ជាថ្ងៃមិនល្អសម្រាប់ការវិនិយោគជួញដូរ ។ ចំពោះអ្នកប្រកបរបររកស៊ីជួញដូរវិញទោះជួញទីជិតឆ្ងាយខ្សត់ខ្សោយក្នុងការរកផលកម្រៃបន្តិចហើយទាល់តែខិតខំទើបរកផលកម្រៃគ្រប់គ្រាន់សម្រាប់ចិញ្ចឹមគ្រួសារ ។ ការធ្វើដំណើរជួបសុខដុមដូចសព្វមួយដង ។
រីឯមនោសញ្ចេតនា ស្នេហាស្រីប្រុស គួរជូនកាដូដល់គូស្នេហ៍ ដើម្បីបន្ថែមភាពកក់ក្តៅក្នុងមនោសញ្ចេតនា ៕
ឆ្នាំថោះ
រាសីខ្ពស់ត្រដែត ។ ការងារ អំណោយផលល្អ ថ្នាក់លើពេញចិត្តនឹងអាចឡើងដំណែង។ លុយកាក់ ចំណូលហូរចូលសន្ធឹកសន្ធាប់ ចាយវាយមិនខ្វះមុខខ្វះក្រោយ ។ ចំពោះអ្នករកស៊ីជួញដូរវិញជាឱកាសល្អក្នុងការផ្លាស់ប្តូរមុខរបរ ឬរើកន្លែងលក់ដូរដោយអាចជួបនូវក្តីចម្រុងចម្រើនលូតលាស់ទៅមុខជានិច្ច។ ដំណើរទីជិតឆ្ងាយជួបតែសុខដុមរមនា ។
រីឯមនោសញ្ចេតនា ស្នេហាស្រីប្រុសកាន់តែជ្រាលជ្រៅ ផ្អែមល្ហែម ៕
ឆ្នាំរោង
រាសីស្រុតចុះ ។ ការងារ ទោះបីការងាររលូនល្អ លោកអ្នកធ្វើអ្វីមួយត្រូវប្រយ័ត្នប្រយែង ព្រោះងាយជួបបញ្ហាចំពោះមុខ ។ លុយកាក់ ត្រូវពិចារណាឲ្យល្អិតល្អន់មុនពេលចូលរួមវិនិយោគ ។ ចំពោះអ្នកប្រកបរបររស៊ីជួញដូរបើចង់ទំនាក់ទំនងទិញដូរអ្វីតែងផ្តល់ផលល្អខ្លះៗមកវិញជានិច្ច ។ ការរស់នៅចូរប្រយ័ត្នជួបនូវបញ្ហាចម្រូងចម្រាសពីមនុស្សម្នាក់ទៅមនុស្សម្នាក់ទៀត ។
រីឯមនោសញ្ចេតនា ស្នេហាប្រុសស្រីគួរលៃពេលវេលាឲ្យបានច្រើនសម្រាប់មនុស្សដែលខ្លួនស្រឡាញ់ ៕
ឆ្នាំម្សាញ់
រាសីខ្ពស់ត្រដែត ។ ការងារ ជួបឱកាសល្អៗច្រើនមានប្រយោជន៍សម្រាប់ការឈានឡើងខ្ពស់ក្នុងការងារ។ លុយកាក់ កំហិតការទិញរបស់ ត្រូវចេះសន្សំសំចៃប្រាក់កាស ។ ចំពោះអ្នកប្រកបរបររកស៊ីជួញដូរមានការខ្សត់ខ្សោយចំណូល ប៉ុន្តែការចំណាយមានខ្ពស់និងធូរណាស់ ។
រីឯមនោសញ្ចេតនា បញ្ហាស្នេហាកម្លោះក្រមុំពោរពេញដោយភាពសោមនស្សរីករាយ ៕
ឆ្នាំមមី
រាសីស្រុតចុះ ។ ការងារ ត្រូវព្យាយាមប្រឹងប្រែងជាងនេះទៀត ទើបអាចសម្រេចដល់គោលដៅ ។ លុយកាក់ មិនស្ថិរភាព ចាយវាយត្រូវសន្សំសំចៃ ។ ចំពោះអ្នករកស៊ីជំនួញជួញដូរកើតមានផលលំបាកច្រើនដោយសារអតិថិជនមានតិចតែការប្រជែងគ្នាកាន់តែស្រួចស្រាល់ ។ ការធ្វើដំណើរទៅណាមកណាគប្បីមានការប្រុងប្រយ័ត្នបន្តិច ។
រីឯមនោសញ្ចេតនា បញ្ហាស្នេហាស្រីប្រុស គួរជូនកាដូតូចមួយឲ្យមនុស្សដែលខ្លួនស្រឡាញ់ ដើមឈានទៅរកភាពផ្អែមល្ហែម ៕
ឆ្នាំមមែ
រាសីស្រុតចុះ ។ ការងារ ថ្ងៃនេះមិនត្រូវធ្វេសប្រហែស ព្រោះងាយកើតមានកំហុសក្នុងការងារ ។ លុយកាក់ ជាថ្ងៃមិនល្អសម្រាប់ការបញ្ចេញប្រាក់រកស៊ី ។ ចំពោះអ្នកប្រកបរបររកស៊ីជំនួញជួញដូរវិញលោកអ្នកជួបផលលំបាកក្នុងការរកផលចំណូលណាស់ ហើយការជួញដូរទីជិតឆ្ងាយក៏ជួបរឿងប្រទាំងប្រទើសច្រើនណាស់ដែរ ។ ការធ្វើដំណើរទីជិតឆ្ងាយមិនសូវមានសុវត្ថិភាពទេ គួរបន្ថែមការប្រុងប្រយ័ត្នបន្តិច ។
រីឯមនោសញ្ចេតនា បញ្ហាស្នេហាកំលោះក្រមុំកើតការខ្វែងគំនិតគ្នាក្នុងមនោសញ្ចេតនា ៕
ឆ្នាំវក
រាសីល្អជាមធ្យម ។ ការងារ ល្អប្រសើរ ថ្ងៃនេះជួបសំណាងល្អក្នុងការងារ រាល់ការលំបាកសម្ពាធទាំងឡាយសុទ្ធតែជំនះបានទាំងអស់ ។ លុយកាក់កើតមានរឿងប្រទាញប្រទង់ក្នុងបញ្ហាលុយកាក់ ។ សម្រាប់អ្នកជួញដូររបររកស៊ីវិញទោះលោកអ្នកចេញទៅណាមកណាគួរមានការប្រុងប្រយ័ត្នប្រាក់កាសបន្តិច ព្រោះងាយបាត់បង់ និងក្រុមអន្ធពាលតាមលួចឆក់ប្លន់ណាស់ ។
រីឯមនោសញ្ចេតនា កម្លោះក្រមុំមានឱកាសរកឃើញគូព្រេង ៕
ឆ្នាំរកា
រាសីខ្ពស់ត្រដែត ។ ការងារ រីកចម្រើនគួរជាទីពេញចិត្ត សម្រេចបានលទ្ធផលល្អច្រើន អាចនិយាយថា ជាថ្ងៃដ៏នក្ខត្តឫក្ស ។ លុយកាក់ ល្អប្រសើរ មានបន្ថែមខ្ទង់ចំណូល តែត្រូវសន្សំសំចៃ ។ ចំពោះអ្នកជួញដូររកស៊ីមិនថាចេញធ្វើជំនួញអ្វីតាមផ្លូវទឹកផ្លូវគោក ផ្លូវអាកាស រកផលចំណូលមានចូលជាហូរហែ។
រីឯមនោសញ្ចេតនា សេចក្តីស្នេហាកំលោះក្រមុំគួរបំពេញនូវការខ្វះខាតដែលអ្នកមិនបានផ្តល់ឲ្យមនុស្សជាទីស្រឡាញ់ក្នុងអំឡុងពេលមុននេះ ៕
ឆ្នាំចរ
រាសីស្រុតចុះ ។ ការងារ មិនល្អ មិនត្រូវឲ្យរឿងផ្ទាល់ខ្លួនឥទ្ធិពលដល់ទំនាក់ទំនងក្នុងការងារ ។ លុយកាក់ ថ្ងៃនេះមិនត្រូវចូលរួមក្នុងរាល់សកម្មភាពវិនិយោគ ។ ចំពោះអ្នកប្រកបរបររកស៊ីជួញដូរមិនគប្បីហក់លោតខ្លាំងពេកឡើយ ។
រីឯមនោសញ្ចេតនា សេចក្តីស្នេហាកំលោះក្រមុំធ្លាក់ចុះងាយកើតទំនាស់នឹងគ្នា ៕
ឆ្នាំកុរ
រាសីល្អជាមធ្យម ។ ការងារ មានអ្នកជួយយកអាសារ ហេតុនេះគ្រប់យ៉ាងប្រព្រឹត្តទៅដូចបំណង ។ លុយកាក់ គួរពេញចិត្តជាមួយនឹងស្ថានភាពហិរញ្ញវត្ថុបច្ចុប្បន្ន មិនត្រូវលោភលន់ជ្រុល ។ ចំពោះអ្នកប្រកបរបររកស៊ីទោះជួបបញ្ហាចំណូលបន្តិចក្តី តែយ៉ាងណាការជួញទីជិតឆ្ងាយអាចរកផលកម្រៃហូរចូលតក់ៗគ្រាន់បំពេញបំពង់ដែរ ។
រីឯមនោសញ្ចេតនា ស្នេហាស្រីប្រុសងាយកើតរឿងឈ្លោះប្រកែកគ្នា ៕