បាត់ដំបង ៖ សត្វអណ្តើកស្រែជិត១០០ក្បាល ត្រូវបានសង្គ្រោះ រួចលែងឲ្យមានជីវិតតាមបែបធម្មជាតិឡើងវិញ នៅក្នុងតំបន់អភិរក្សឡូតិ៍លេខ២ ដែនទឹកបឹងទន្លេសាប។
កម្លាំងកងរាជអាវុធហត្ថក្នុងស្រុកឯកភ្នំ បានប្រាប់ឲ្យដឹងថា មន្ត្រីជំនាញ សហការជាមួយនិងកម្លាំងស្នាក់ការ៥០៨ រួមជានឹងអាជ្ញាធរឃុំកោះជីវាំង នៅព្រឹកថ្ងៃទី២ ខែសីហានេះ បាននាំយកនូវសត្វអណ្តើកស្រែចំនួន៩៩ក្បាល ស្មើ១០០គីឡូក្រាម ទៅលែងចូលក្នុងដែនអភិរក្សបឹងទន្លេសាប ស្ថិតតក្នុងចំណុចព្រែកឡុងអុង និងព្រែកដា នៃតំបន់អភិរក្សឡូតិ៍លេខ២ ក្នុងភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង។
គូសបញ្ជាក់ថា សត្វអណ្តើកស្រែដែលនាំយកទៅលែង ចូលក្នុងដែនទឹកវិញនេះ បានមកពីការដកហូតពី មុខសញ្ញាល្មើស ដែលជានិច្ចកាលតែងតែឆ្លៀតឱកាស រកស៊ីជួញដូរ លួចលាក់កំបាំងភ្នែកសមត្ថកិច្ច៕ ដោយ៖កូឡាប
