ឆ្នាំជូត
រាសីល្អជាមធ្យម ។ ការងារ ល្អបំផុត គ្រប់យ៉ាងប្រព្រឹត្តទៅដោយងាយស្រួល ត្រូវតាមគម្រោងការ ។ លុយកាក់ ខ្សត់ខ្សោយ ត្រូវចេះកំហិតខ្ទង់ចំណាយ ។ សម្រាប់អ្នកប្រកបរបររកស៊ីជួញដូរវិញលោកអ្នកចូរប្រយ័ត្នក្រុមមនុស្សស្និទ្ធស្នាលកើតជារឿងអាក់អន់ចិត្តហើយខ្លះអាចឈានដល់ការគុំកួនសងសឹកណាមួយកើតឡើង ។ ការធ្វើដំណើរផ្លូវឆ្ងាយឲ្យប្រយ័ត្នជួបគ្រោះចាញ់បោកគេបន្តិចពីព្រោះងាយជួបប្រទះណាស់ ។
រីឯមនោសញ្ចេតនា ស្នេហាកម្លោះក្រមុំកុំចង់សាកល្បងឬឈ្លក់នឹងល្បែងកាមគុណប្រយ័ត្នកើតជាបញ្ហាណាមួយ ហើយមានតែអាប់ឱនកេរ្តិ៍ឈ្មោះនិងឈានដល់ខូចអនាគតភ្លឺស្វាងអសារឥតការ៕
ឆ្នាំឆ្លូវ
រាសីខ្ពស់ត្រដែត ។ ការងារ ថ្ងៃនេះមានជោគសិរីដូចនេះបើចង់ធ្វើអ្វីក៏តែងចម្រើនលូតលាស់និងមានជោគជ័យចំពោះមុខផង ។ លុយកាក់ ល្អប្រសើរ ថ្ងៃនេះអាចទិញបានរបស់ល្អតម្លៃថោក ។ ចំពោះអ្នកប្រកបរបររកស៊ីជួញដូរមានការទិញចូលក់ចេញគ្រាន់រស់រវើកគួសមហើយបើចង់ជួញឆ្ងាយទៀតសោតក៏តែងហុចផ្លែផ្កានិងសុខដុមដូចសព្វមួយដង ។ ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងពេលត្រឡប់មកវិញ ។
រីឯមនោសញ្ចេតនា ស្នេហាកំលោះក្រមុំបើលោកអ្នកមិនទាន់មានគូរគាប់ពេលនេះជាឱកាសល្អក្នុងទំនាក់ទំនងនិងស្វែងរកហើយ ៕
ឆ្នាំខាល
រាសីស្រុតចុះ ។ ការងារ នៅថ្ងៃនេះដោយសារដួងរាសីធ្លាក់ចុះហេតុនេះបើចង់ពឹងពាក់ឬខ្ចីរបស់អ្វីមួយពីអ្នកដទៃតែងមិនឆ្លើយតបដូចក្តីគាប់បំណងនោះឡើយ ។ សម្រាប់អ្នកប្រកបរបររកស៊ីជួញដូវមានការរីកលូតលាស់ទៅមុខយឺតណាស់ ហើយអ្នកខ្លះរកគ្រាន់ចិញ្ចឹមខ្លួនក៏យ៉ាប់ផង ។
រីឯមនោសញ្ចេតនា ស្នេហាកំលោះក្រមុំឬពោះម៉ាយមេម៉ាយក្តីប្រយ័ត្នការលេងម៉េះម៉ោះច្រើននាំកើតជម្លោះវិវាទកើតតែបញ្ហាពាក់មុខយក្សដាក់គ្នា ៕
ឆ្នាំថោះ
រាសីល្អជាមធ្យម ។ ការងារ គ្រប់យ៉ាងមិនបានរីកចម្រើនតាមគ្រោងការណ៍ដំបូង ។ លុយកាក់ ថ្ងៃនេះគួររក្សាប្រាក់ឲ្យជាប់ក្នុងហោប៉ៅ មិនត្រូវខ្ជះខ្ជាយទៅក្នុងការទិញរបស់ ។ សម្រាប់ថ្ងៃនេះអ្នករកស៊ីជួញដូរជួបផលលំបាកក្នុងការរកផលចំណូល ពិសេសតែងកើតមានរឿងរ៉ាវជាមួយអ្នកដទៃថែមទៀត ។
រីឯមនោសញ្ចេតនា ស្នេហាកំលោះក្រមុំ ឬពោះម៉ាយមេម៉ាយក្តីវិញមានការរីកលូតលាស់ទៅមុខយឺតតែក៏ងាយថយក្រោយ ៕
ឆ្នាំរោង
រាសីល្អជាមធ្យម ។ ការងារ គួរមានភាពម្ចាស់ការ និងសកម្មក្នុងការងារប្រសិនចង់ឲ្យបុព្វហេតុរីកចម្រើនរឹងមាំ ។ លុយកាក់ មិនត្រូវចាយវាយផ្តេសផ្តាស គួរមានផែនការគ្រប់គ្រងហិរញ្ញវត្ថុឲ្យល្អ ។ សម្រាប់អ្នករកស៊ីជួញដូរវិញក្នុងថ្ងៃនេះជួបការលំបាកក្នុងការរកផលកម្រៃណាស់ឯការជួញដូរទីជិតឆ្ងាយទៀតសោតកើតមានភាពរកាំរកូសមិនតិចដែរទេ ។
រីឯមនោសញ្ចេតនា ស្នេហាកម្លោះក្រមុំមានការហួងហែងនិងម្នាក់ៗយកភាពប្រចែប្រច័ ណ្ឌដឹកមុខច្រើន ៕
ឆ្នាំម្សាញ់
រាសីខ្ពស់ត្រដែត ។ ការងារ ខួរក្បាលភ្លឺស្វាង រវៀសរវៃជួយឲ្យអ្នកឆ្នាំម្សាញ់ក្តាប់បានឱកាសល្អៗច្រើនអនេកនៅថ្ងៃនេះ ការងារអ្វី១ទទួលបានផល ។ លុយកាក់ មិនល្អ ត្រូវប្រយ័ត្នពេលសម្រេចបោះទុនរកស៊ី ។ ចំពោះអ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិច ព្រោះតែមានការប្រជែងគ្នាច្រើន ហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា ។ ការធ្វើដំណើរទីជិតឆ្ងាយជួបភាពសុខដុមទំាងពេលទៅនិងពេលត្រឡប់មកវិញ ។
រីឯមនោសញ្ចេតនា ស្នេហាកំលោះក្រមុំ ឬពោះម៉ាយមេម៉ាយក្តីមានការលូតលាស់និងផ្អែមល្ហែមល្អប្រពៃ៕
ឆ្នាំមមី
រាសីស្រុតចុះ ។ ការងារ ធ្លាក់ចុះ មិនត្រូវអភិរក្សជ្រុល គួរចេះក្តាប់យោបល់គ្រប់គ្នា ។ លុយកាក់ ថ្ងៃនេះមានរឿងត្រូវខាតបង់ប្រាក់កាស ។ អ្នកប្រកបរបររកស៊ីជួញដូរការរកផលចំណូលជួបភាពតានតឹង ហើយទាល់តែខិតខំខ្លាំងទើបអាចរកផលកម្រៃគ្រាន់កក់ក្តៅទៅរួច ។
រីឯមនោសញ្ចេតនា ស្នេហាកម្លោះក្រមុំមានភាពផុយស្រួយ ជម្លោះវិវាទគួរប្រយ័ត្នប្រយែងពាក្យសម្តីបន្តិចទើបជាការប្រពៃបំផុត ៕
ឆ្នាំមមែ
រាសីល្អជាមធ្យម ។ ការងារ អំណោយផលល្អ ត្រូវបានថ្នាក់លើសរសើរ ។ លុយកាក់ ថ្ងៃនេះសមស្របសម្រាប់ការបញ្ចេញប្រាក់វិនិយោគ ។ អ្នកប្រកបរបររកស៊ីជួញដូរការរកផលចំណូលទោះបីថា មានភាពរលូនល្អទៅមុខក្តីតែយ៉ាងណា ក៏កើតមានភាពរកាំរកូសមិនតិចដែរទេ ហើយពិសេសលោកអ្នកប្រយ័ត្នចំណូឡតូចតាចបោលហួសព្រោះរវល់តែស្រវាចាប់តែអាធំ ។
រីឯមនោសញ្ចេតនា ស្នេហាកំលោះក្រមុំមិនមានការលូតលាស់ទៅមុខទេគឺមានការថយក្រោយច្រើនជាង៕
ឆ្នាំវក
រាសីខ្ពស់ត្រដែត ។ ការងារ មានអ្នកជួយយកអាសា ការងាររលូនល្អ ។ លុយកាក់ ល្អប្រសើរ គួរបោះទុនរកស៊ី ។ ចំណែកអ្នកប្រកបរបររកស៊ីជួញដូរចូរលោកអ្នកបង្កើនការទំនាក់ទំនងជាមួយអ្នកដទៃឲ្យបានច្រើន ព្រោះអាចទទួលផលប្រយោជន៍មកវិញយ៉ាងច្រើនជាក់ជាពុំខាន ។
រីឯមនោសញ្ចេតនា ស្នេហាកម្លោះក្រមុំឬពោះម៉ាយមេម៉ាយក្តីមានការចម្រើនលូតលាស់ និងកំពុងបើកទំព័រថ្មីសម្រាប់លោកអ្នកហើយ ៕
ឆ្នាំរកា
រាសីខ្ពស់ត្រដែត ។ ការងារ ថ្ងៃនេះផ្តល់ផលល្អសម្រាប់លោកអ្នកប្រកបកិច្ចការងារដែលសំខាន់ ឬចរចាបញ្ហាអ្វីមួយក៏ប្រសើរដែរ ។ លុយកាក់ ស្ថិរភាពតែក៏មិនត្រូវខ្ជះខ្ជាយ ។ ចំពោះលោកអ្នកប្រកបរបររកស៊ីជួញដូរវិញ បើលោកអ្នកចង់ផ្លាស់ប្តូរមុខរបរថ្មី ឬចង់បណ្តាក់ទុនអ្វីមួយក៏ជាពេលវេលាល្អណាស់ ។ ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនា ស្នេហាកំលោះក្រមុំមានការលូតលាស់ទៅមុខនិងផ្អែមល្ហែមប្រពៃ៕
ឆ្នាំចរ
រាសីល្អជាមធ្យម ។ ការងារ ទោះបីមានគំនិតថ្មីច្រើន តែបែរជាមិនត្រូវបានគ្រប់គ្នាទទួលស្គាល់ ។ លុយកាក់ ថ្ងៃនេះមិនត្រូវចេញក្រៅជួបជុំគ្នា ដើម្បីសន្សំសំចៃប្រាក់កាស ។ អ្នកប្រកបរបររកស៊ីជួញដូរក្នុងថ្ងៃនេះដែរមានលំនឹងល្អ ហើយទោះជួញទីជិតឆ្ងាយអាចរកផលកម្រៃចូលហូរហែរសម្រាប់ការចាយវាយអីចឹងដែរ ។ ការធ្វើដំណើរទីជិតឆ្ងាយជួបភាពសុខដុមទំាងពេលទៅនិងត្រឡប់មកវិញ ។
រីឯមនោសញ្ចេតនា ស្នេហាស្រីប្រុសកុំគប្បីយកភាពប្រកែប្រកាន់ និងកំហឹងទល់កំហល់ដាក់ខ្លួនប្រយ័ត្នកើតរឿងជម្លោះវិវាទឥតឈប់ឈរ ហើយឈានមិនដល់ខ្លោងទ្វារអាពាហ៍ពិពាហ៍ ៕
ឆ្នាំកុរ
រាសីខ្ពស់ត្រដែត ។ ការងារ នៅថ្ងៃនេះផ្តល់ផលល្អសម្រាប់ប្រកបកិច្ចការងារងារដែលសំខាន់ ព្រោះថាផ្លែផ្កាដែលល្អៗតែងហុចមកវិញនៅពេលក្រោយជានិច្ច ។ លុយកាក់ ល្អប្រសើរ មានឱកាសទិញបានរបស់ល្អតម្លៃថោក ។អ្នកប្រកបរបររកស៊ីជួញដូរ បើចង់រកសស៊ីចូលហ៊ុនជាមួយអ្នកដទៃឃើញថាមិនគាប់ប្រសើរប៉ុន្មានទេ ប៉ុន្តែបើចង់បោះទុនតូចធំសម្រាប់ខ្លួនឯងវិញគាប់ប្រសើរជាង ។ ការធ្វើដំណើរទីជិតឆ្ងាយជូបសេចក្តីសុខក្សេមក្សាន្តទាំងពេលទៅ និងពេលត្រឡប់មកវិញ ៕
រីឯមនោសញ្ចេតនា ស្នេហាប្រុសស្រីបើពុំទាន់មានគូគាប់ជាឱកាសល្អក្នុងការស្វែងរកព្រោះតែងអាចជោគជ័យដូចបំណង៕