(ភ្នំពេញ) ៖ នាយកដ្ឋានប្រឆាំងបទល្មើសបច្ចេកវិទ្យា បានកោះអញ្ជើញមន្ត្រីនគរបាលជាង៤១រូបមកពី០៨នាយកដ្ឋាន សិក្សាពីវិធីសាស្ត្រស៊ើបអង្កេត ការប្រមូលភស្តុតាងបឋម ការគ្រប់គ្រងទីតាំងកើតហេតុ យុទ្ធសាស្ត្របង្ការទប់ស្កាត់ និងបង្ក្រាបបទល្មើស”។
នៅថ្ងៃទី០៩ ខែសីហា ឆ្នាំ ២០១៩ លោកឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា ជាអធិបតីក្នុងពិធីបិទវគ្គបណ្តុះបណ្តាលនេះ បានមានប្រសាសន៍ថា គោលបំណងក្នុងការបង្កើតវគ្គបណ្តុះបណ្តាលនេះ ដើម្បីឱ្យសិក្ខាកាមដែលចូលរួមមានចំណេះដឹងក្នុងយុទ្ធសាស្ត្រសម្រាប់ទប់ស្កាត់ និងបង្ក្រាបបទល្មើសទូទៅឱ្យបានត្រឹមត្រូវ និងមានប្រសិទ្ធភាព។ លោកក៏បានមានប្រសាសន៍ទៀតថាទោះបីជាវគ្គសិក្សារនេះខ្លីមែនពិត តែនឹងមានវគ្គបណ្ដុះបណ្ដាលជាច្រើនទៀតនៅថ្ងៃមុខដែលអាចធ្វើឱ្យសិក្ខាកាមទាំងអស់ទទួលបានចំណេះដឹង និងបទពិសោធន៍ពីសាស្ត្រាចារ្យជាច្រើនសម្រាប់យកទៅប្រើប្រាស់ក្នុងការងារប្រចាំថ្ងៃរបស់ខ្លួន។ លោក បានផ្តាំផ្ញើទៅឱ្យសិក្ខាកាមប្រើប្រាស់អ្វីដែលបានទទួលនៅថ្ងៃនេះក្នុងការងារប្រចាំថ្ងៃរបស់ខ្លួនឱ្យបានជោគជ័យ៕ ដោយ៖កូឡាប
