កោះកុង ៖ ស្នងការដ្ឋាននគរបាលខេត្តកោះកុង បានឲ្យដឹងថា មានករណីគ្រោះថ្នាក់ចរាចរនៅឃុំត្រពាំងរូង បណ្តាលឲ្យរបួសធ្ងន់ម្នាក់ និងឆេះរថយន្តទាំងស្រុង ដោយសារបើកក្រឡាប់ដោយខ្លួនឯង នៅថ្ងៃទី ១៧ ខែតុលា ឆ្នាំ២០១៩ នាវេលា ១៦និង២០ នាទីល្ងាច នៅផ្លូវជាតិលេខ ៤៨ ចន្លោះគីឡូម៉ែតលេខ ៩៨ – ៩៩ ស្ថិតនៅក្នុងភូមិដីទំនាប ឃុំត្រពាំងរូង ស្រុកកោះកុង។
នគរបាលមូលដ្ឋាន បានបញ្ជាក់ថា មានករណីគ្រោះថ្នាក់ចរាចរកើតឡើង ១ លើក បង្កឡើងដោយរថយន្ដ CAMARY ពណ៌ស ពាក់ផ្លាកលេខ ភ្នំពេញ 2A 5683 បើកបរដោយឈ្មោះ សោម ប៉ូវ ភេទប្រុស អាយុ ៤១ឆ្នាំ មានទីលំនៅបច្ចុប្បន្ន ភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បានក្រឡាប់ដោយខ្លួនឯង នៅចំណុចកើតហេតុខាងលើ បណ្តាលឲ្យរងរបួសធ្ងន់ ១ នាក់ ប្រុស ជនជាតិថៃ ពុំស្គាល់អត្តសញ្ញាណ រងរបួសបាក់ដៃខាងស្ដាំ ត្រូវបានបញ្ជូនទៅសង្គោះនៅមន្ទីពេទ្យបង្អែកខេត្តកោះកុង។ ចំណែកឯរថយន្ត ត្រូវភ្លើងឆេះអស់ទាំងស្រុង ៕ ដោយ៖កូឡាប
