ខេត្តព្រះសីហនុ៖ សមត្ថកិច្ចនគរបាលបានឲ្យដឹងថា កាលពីម៉ោងជាង៧ព្រឹក ថ្ងៃទី១៨ ខែតុលាឆ្នាំ២០១៩នេះ នៅលើកំណាត់ផ្លូវជាតិលេខ៤ ត្រង់ចំណុចខាងកើតរោងចក្រញូស្តារ ស្ថិតក្នុងសង្កាត់លេខ១ ក្រុង-ខេត្តព្រះសីហនុ មានគ្រោះថ្នាក់ចរាចរមួយករណី បានកើតឡើង។
គ្រោះថ្នាក់ចរាចរណ៍នេះ បង្កដោយរថយន្ត ១គ្រឿង មិនទាន់ស្គាល់អត្តសញ្ញាណ (អ្នកបើកបរ និងរថយន្ត បើកគេចខ្លួនបាត់) មានទិសដៅចេញពីក្រុងព្រះសីហនុ បានបុក និងកិនម៉ូតូ ១គ្រឿង ម៉ាក HONDA SCOPY ពណ៌ ស គ្មានផ្លាកលេខ អ្នកបើកបរឈ្មោះ សុខ លីណា ភេទ ស្រី អាយុ ២៧ឆ្នាំ មុខរបរ កម្មការិនីរោងចក្រ ។
ស្ត្រីរងគ្រោះ មានទីលំនៅបច្ចុប្បន្ន ភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ បើកបរមានទិសដៅស្របគ្នា បណ្តាលឲ្យ
ឈ្មោះ សុខ លីណា ខាងភាគីអ្នកបើកបរម៉ូតូ បានស្លាប់នៅនឹងកន្លែងកើតហេតុ។
ករណីនេះសមត្ថកិច្ច កំពុងស្រាវជ្រាវរករថយន្តបង្កគ្រោះថ្នាក់ចរាចរខាងលើនេះ មកដោះស្រាយតាមនីតិវិធីច្បាប់៕ ដោយ៖ ដែន សីមា
