Jamie Lopez ជំនាញការខាងតុបតែងខ្លួន អាយុ ៣១ឆ្នាំ នៅឡាវេហ្គាស អាមេរិក បានទ្រាំទ្រនឹងក្រសែភ្នែកមាក់ងាយរបស់មនុស្សជាច្រើនអស់រយៈពេលច្រើនឆ្នាំ ដោយសារតែរូបរាងដ៏សែនធាត់របស់នាង ដែលមានទម្ងន់ដល់ទៅ ២២៧kg ។ នាងជក់ចិត្តនឹងការតុបតែងខ្លួនយ៉ាងខ្លាំង និងអតិថិជនដ៏ស្និទ្ធស្នាលម្នាក់របស់ហាងធ្វើសក់នានា ។ រូបរាងដូចយក្សរបស់ Jamie តែជួបការលំបាកជាជួយនឹងកៅអីនៅតាមសាឡន រហូតដល់ថ្ងៃមួយនាងបានជួបរឿងអាម៉ាស់មិនអាចបំភ្លេចបាន និងបានជំរុញចិត្តនាងត្រូវធ្វើរឿងអ្វីមួយនោះ ។
ថ្ងៃនោះនាងបានទៅធ្វើសក់ដូចធម្មតា ។ ពេលអង្គុយលើកៅអី ទើបតែងាកខ្លយនស្វាគមន៍ជាងធ្វើសក់ស្រាប់តែលាន់ស្នូរប្រឹបៗនៅក្រោមតូច មិនទាន់ដឹងថា មានរឿងអ្វីផង ស្រាប់តែកៅអីបាក់ប្រឹបភ្លាមៗបណ្តាលឲ្យនាងដួលផ្ញារបះជើងធ្វើឲ្យភ្ញៀវទាំងអស់នៅក្នុងហាងងាកស្រមកមើលទាំងទឹកមុខពេបជ្រាយ ។ ជាច្រើនខែបន្ទាប់ពីនោះ Jamie មិនហ៊ានទៅកាន់ហាងធ្វើសក់ទៀត និងគិតថា ប្រាកដជាមានមនុស្សធាត់ជាច្រើនទៀត ជួបរឿងមិនសប្បាយចិត្តដូចនាងដែរ ។ នាងក៏ចាប់ផ្តើមសន្សំប្រាក់ រួចបើកហាងធ្វើសក់មួយសម្រាប់ស្ត្រីធាត់មានឈ្មោះថា Babydoll Beauty Coutur ហាងរបស់ Jamie ត្រូវបានបំពាក់កៅអីពិសេសធំទូលាយអាចផ្ទុកទម្ងន់ដល់ ៣៦៥kg ៕
