ភ្នំពេញ ៖ អគ្គិភ័យមួយបានឆាបឆេះផ្ទះប្រជាពលរដ្ឋ នៅជាន់ទី១ នៅខាងក្រោយអគារ៤២ជាន់ ក្បែរផ្សារឡាក់គីកាលពីម៉ោង៣ និង១០នាទី រសៀលថ្ងៃទី៦ ខែតុលា ឆ្នាំ២០១៧ ស្ថិតនៅ តាមបណ្ដោយផ្លូ២៧៦ សង្កាត់បឹងកេងកង១ ខណ្ឌចំការមន ។
មូលហេតុបណ្តាលឲ្យមានអគ្គីភ័យកើតឡើងនេះ គឺបណ្តាលមកពីផ្ទះខាងលើ គឺកំពុងតែជួសជុល ហើយជាងផ្សាដែក ធ្លាក់កំទិចភ្លើងដែកមកក្រោម បង្កជាអណ្តាតភ្លើង ឆេះបែបនេះតែម្តង ។ ក្នុងការជួយអន្តរាគមន៍ សង្គ្រោះអគ្គីភ័យខាងលើនេះ រថយន្តពន្លត់អគ្គីភ័យ ក៏បានមកដល់ដែរ ហើយបានបាញ់អស់តែពីរថយន្ត ទើបរលត់ទាំងស្រុង។
ក្នុងហេតុការណ៍ខាងលើនេះដែរ បណ្តាលឲ្យកូនម្ចាស់ផ្ទះម្នាក់ រលាកដៃបន្តិចបន្តួច ប៉ុន្តែបានបណ្ដាលឲ្យខូចខាតសម្ភារៈមួយចំនួនតូចប៉ុណ្ណោះ៕ ដោយ៖សំណាង
