ខេត្តសៀមរាប៖ មានកណីគ្រោះថ្នាក់ចរាចរណ៍រវាងម៉ូតូ២គ្រឿងបើកបុកគ្នា ក្នុងទិសដៅបញ្រ្ចាសគ្នា បណ្តាលឲ្យមនុស្ស៤នាក់ ស្លាប់នៅហ្នឹងកន្លែង នាវេលាម៉ោង៧ព្រឹក ថ្ងៃទី៣១ ខែមករា ឆ្នាំ២០២០នេះ នៅចំណុចភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀមរាប លើផ្លូវជាតិលេខ៦ ។
សមត្ថកិច្ចមូលដ្ឋាន បានឲ្យដឹងថា គ្រោះថ្នាក់នេះ កើតឡើងរវាង ម៉ូតូម៉ាក HONDA C ១២៥ ពណ៌ខ្មៅ ពាក់ផ្លាកលេខ សៀមរាប ១C ៦៤៨៣ បើកបរដោយឈ្មោះទីត ថន ភេទប្រុស អាយុ២៦ឆ្នាំ រស់នៅភូមិយាងទេស ឃុំខ្ចាស់ ស្រុកសូទ្រនិគមន៍ ខេត្តសៀមរាប បើកបរម៉ូតូពីកើតទៅលិច មកដល់កន្លែងកើតហេតុ បានឡើងវ៉ារថយន្តទៅបុកនឹងម៉ូតូម៉ាក HONDA C១២៥ ពណ៌ខ្មៅ ពាក់ផ្លាកលេខ សៀមរាប ១U ៦៣៥៨ បើកបរដោយ ឈ្មោះជៀប ជិន ភេទប្រុស អាយុ៣៧ឆ្នាំ រស់នៅភូមិត្រាង ឃុំកណ្តែក ស្រុកប្រាសាទបាគង និងអ្នកជិះពីក្រោយចំនួន២នាក់ ឈ្មោះស្ងួន ជឿប ភេទប្រុស អាយុ៦៨ឆ្នាំ និងឈ្មោះខាត់ ព្រែក ភេទស្រី អាយុ៦៧ឆ្នាំ រស់នៅភូមិត្រាង ឃុំកណ្តែក ស្រុកប្រាសាទបាគង សៀមរាប។
សាកសពប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ ចំណែកម៉ូតូរក្សាទុកនៅអធិការនគបាល
ស្រុកប្រាសាទបាគង ដើម្បីដោះស្រាយតាមនីតិវិធី៕ដោយ៖បញ្ញាស័ក្តិ
