សៀមរាប៖លោកស្រី ម៉ែន សំអន បានថ្លែងថា បច្ចុប្បន្ន វិស័យព្រះពុទ្ធសាសនា ក៏មានការរីកចម្រើន ដែលត្រូវបានរាជរដ្ឋាភិបាល បានយក ចិត្តទុកដាក់ និង លើកតម្កើងកាន់តែខ្លាំងក្លាឡើងថែមទៀតទុកសម្រាប់ឲ្យប្រជាពលរដ្ឋកម្ពុជាគោរពប្រណិប័តន៍ ស្របទៅតាមទំនៀមទម្លាប់ប្រពៃណីរបស់ជាតិទៅថ្ងៃអនាគត ។
លោកស្រីកិត្តិសង្គហបណ្ឌិត ម៉ែន សំអន បានថ្លែងបែបនេះ ក្នុងឱកាសអញ្ជើញជាអធិបតីក្នុងពិធីឆ្លងសាលាបុណ្យ និងសមិទ្ធផលនានានៅត្រពាំងមហានគរ ស្ថិតភូមិខ្នាច ឃុំពពែល ស្រុកសូត្រនិគម ខេត្តសៀមរាប នាព្រឹកថ្ងៃអង្គារ ទី៤ ខែកុម្ភៈ ឆ្នាំ២០២០។
លោកស្រីក៏បានថ្លែងបន្តទៀតថា៖ ក្រោមការដឹកនាំរបស់រាជរដ្ឋាភិបាលកម្ពុជា ដែលមាន សម្ដេចតេជោ ហ៊ុន សែន ជាប្រមុខ បានធ្វើឲ្យប្រទេសជាតិមាន សុខសន្តិភាព និងមានការអភិវឌ្ឍន៍លើគ្រប់វិស័យទាំងផ្នែកអាណាចក្រ និងពុទ្ធចក្រ។ បច្ចុប្បន្ន វិស័យព្រះពុទ្ធសាសនា ក៏មានការរីកចម្រើន ដែលត្រូវបានរាជរដ្ឋាភិបាល បានយកចិត្តទុកដាក់ និង លើកតម្កើងកាន់តែខ្លាំងក្លាឡើងថែមទៀត ទុកសម្រាប់ឲ្យប្រជាពលរដ្ឋកម្ពុជាគោរពប្រណិប័តន៍ ស្របទៅតាមទំនៀមទម្លាប់ប្រពៃណីរបស់ជាតិទៅថ្ងៃអនាគត ។
លោកស្រីបានបន្ថែមទៀតថា ដោយឡែកនៅតំបន់នេះក៏បានប្រែក្លាយពីតំបន់ដែលមានសង្គ្រាម មកជាតំបន់ដែលមានសក្តានុពលលើផ្នែកកសិកម្ម និងបានជួយឲ្យជីវភាពប្រជាពលរដ្ឋខេត្តសៀមរាប កើនឡើងថែមមួយកម្រិតទៀត ។
លោកស្រី បានចាត់ទុកថា សមិទ្ធផល ដែលយើងបានធ្វើបុណ្យឆ្លងនាពេលនេះ គឺដោយសារតែប្រទេសជាតិមានសុខ សន្តិភាពក្រោមការអនុវត្តន៍នូវនយោបាយ ឈ្នះ ឈ្នះ ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី៕
ដោយ៖កូឡាប
