ចំនួនអ្នកស្លាប់ដោយសារវីរុសកុរ៉ូណា នៅក្នុងប្រទេសចិន បានកើនឡើងដល់ចំនួន ៥៦៣នាក់ ក្រោយពេលអាជ្ញាធរនៅក្នុងខេត្តហូបេ ប្រទេសចិនបានរាយការណ៍ពីអ្នកស្លាប់ថ្មីចំនួន ៧៣នាក់នៅថ្ងៃព្រហស្បតិ៍នេះ។
គណៈកម្មការសុខភាពនៅក្នុងខេត្តខាងលើ ដែលជាកន្លែងផ្ទុះវីរុសដ៏កាចសាហាវនោះ ក៏បានបញ្ជាក់ថាមានការឆ្លងថ្មីចំនួន ៣.៦៩៤ករណី។
ចំនួនអ្នកស្លាប់សរុបទូទាំងពិភពលោកកើនដល់ ២៦៥នាក់ រួមមានករណីស្លាប់ ២នាក់នៅប្រទេសហ្វីលីពីន និងទីក្រុងហុងកុង។
ការឆ្លងទូទាំងពិភពលោកមានលើស ២៨.០០០ករណី ខណៈអ្នកជាសះស្បើមានចំនួន ១.១៤៦នាក់។
សូមបញ្ជាក់ថា វីរុសមរណៈកូរ៉ូណា បានផ្ទុះឡើងដំបូងនៅក្នុងខែធ្នូ និងបានរីករាលដាលយ៉ាងឆាប់រហ័ស ដែលធ្វើឲ្យចិនមិនអាចទប់ស្កាត់ទាន់ពេល។
កាលពីអាទិត្យមុន អង្គការសុខភាពពិភពលោកបានប្រកាសអាសន្នជាសកលជុំវិញវីរុសនេះ ខណៈដែលចិនបានយល់ព្រមទទួលយកអ្នកជំនាញអាមេរិច ដើម្បីឲ្យជួយស្រាវជ្រាវ និងប្រយុទ្ធប្រឆាំងនឹងវីរុសខាងលើ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia