លោកអាន់វ៉ា អ៊ីប្រាហ៊ីម ស្វាគមន៍ចំពោះបទឈប់បាញ់ដែលបានព្រមព្រៀងគ្នាដោយប្រទេសកម្ពុជា និងប្រទេសថៃ

លោកអាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ីនិងជាប្រធានអាស៊ាននៅរសៀលថ្ងៃទី 27 ខែធ្នូនេះបានថ្លៃសារនៅលើផេក facebook ផ្លូវការយ៉ាងដូច្នេះថា ខ្ញុំសូមស្វាគមន៍ចំពោះបទឈប់បាញ់ដែលបានព្រមព្រៀងគ្នាដោយប្រទេសកម្ពុជា និងប្រទេសថៃ ដែលបានចូលជាធរមាននៅម៉ោង 12:00 (UTC+7)។ ការសម្រេចចិត្តបញ្ឈប់ការប្រយុទ្ធគ្នា និងរក្សាកងកម្លាំងនៅនឹងកន្លែង ឆ្លុះបញ្ចាំងពីការទទួលស្គាល់រួមគ្នាថា ការអត់ធ្មត់គឺត្រូវបានទាមទារ ជាពិសេសដើម្បីផលប្រយោជន៍របស់ជនស៊ីវិល។

សេចក្តីថ្លែងការណ៍រួមបានកំណត់វិធានការជាក់ស្តែង និងវិជ្ជមាន រួមទាំងការផ្ទៀងផ្ទាត់ដោយក្រុមអ្នកសង្កេតការណ៍អាស៊ាន និងការទំនាក់ទំនងដោយផ្ទាល់រវាងអាជ្ញាធរការពារជាតិ។ ទាំងនេះផ្តល់មូលដ្ឋានសម្រាប់ស្ថិរភាព ហើយខ្ញុំសង្ឃឹមថាភាគីទាំងពីរនឹងអនុវត្តវាដោយស្មោះត្រង់។

លោកអាន់វ៉ា អ៊ីប្រាហ៊ីម បានបន្តថា នៅពេលដែលប្រទេសម៉ាឡេស៊ីប្រគល់ប្រធានអាស៊ានទៅឱ្យប្រទេសហ្វីលីពីននៅពាក់កណ្តាលអធ្រាត្រ ថ្ងៃទី 1 ខែមករា ឆ្នាំ 2026 យើងនឹងគាំទ្រកិច្ចខិតខំប្រឹងប្រែងទាំងអស់ ដើម្បីធានាថា កិច្ចខិតខំប្រឹងប្រែងទាំងនេះត្រូវបានគោរព និងថា កិត្យានុភាព និងភាពជឿជាក់របស់អាស៊ានជាតំបន់សន្តិភាពត្រូវបានរក្សា៕ រក្សាសិទ្ធដោយ៖សុទ្ធលី