Monday, December 6, 2021

ម្តាយ​និង​កូនស្រី​ជាប់គុក​ជាមួយគ្នា ព្រោះតែ​…​រៀបការ​នឹង​ហើយ​រួមរស់​នឹង​គ្នា​

​តុលាការ​សង្កាត់ Comanche រដ្ឋ Oklahoma អាមេរិក កំពុងដំណើរការ​សំណុំរឿង​មួយ​ស្តីពី​ម្តាយ​នឹង​កូនស្រី​បង្កើត​២​នាក់ ត្រូវ​ចោទប្រកាន់​ពីបទ​ស្ម​ន្ថ​ភាព ។ ជនជាប់ចោទ​គឺ​អ្នកស្រី Patricia Ann Spann អាយុ​៤៣​ឆ្នាំ និង​កូនស្រី Misty Velvet Dawn Spann អាយុ ២៥​ឆ្នាំ បាន​រៀបការ​ជាមួយគ្នា​នៅ​ខែមីនា ឆ្នាំ​២០១៦ ។​

​ចំណងទាក់ទង​របស់​អ្នក​ទាំង​២ ត្រូវបាន​ក្រសួង​សេវាកម្ម​មនុស្ស អាមេរិក រកឃើញ​ថ្ងៃខែ​សីហា ឆ្នាំ​២០១៦ តាមរយៈ​ការត្រួតពិនិត្យ​តាម​សិទ្ធិ​កុមារ​នៅ​ទីក្រុង Duncan។

ម្តាយ​និង​កូន​២​នាក់​នេះ កំពុង​ប្រឈមមុខ​និង​ទោស​ជាប់គុក​ពន្ធនាគារ​១០​ឆ្នាំ​

​ដីកាចាប់ខ្លួន​របស់​តុលាការ​ត្រូវបាន​ចុះហត្ថលេខា​នៅ​ថ្ងៃ​២ ខែកញ្ញា ហើយ​ម្តាយកូន​ទាំង​២ ត្រូវបាន​ឃុំខ្លួន​បណ្តោះអាសន្ន​នៅ​ពន្ធនាគារ ។​

៥​ថ្ងៃ​ក្រោយមក​ស្ត្រី​ទាំង​២ មាន​វត្តមាន​ក្នុង​សវនាការ​មួយ​របស់​តុលាការ ប៉ុន្តែ​អ្នក​ទាំង ២ ពុំ​ព្រម​សារភាព​កំហុស​ឡើយ ។​

​ក្នុងអំឡុងពេល​ស៊ើបអង្កេត ស្ថាប័ន​សន្តិសុខ​នៅបាន​រកឃើញថា អ្នកស្រី Patricia ក៏​ធ្លាប់បាន​រៀបការ​ជាមួយ​កូនប្រុស​បង្កើត​របស់​ឈ្មោះ Jody Calvin Spann នា​ឆ្នាំ​២០០៨​ផងដែរ តែ​២​ឆ្នាំ​ក្រោយមក​អាពាហ៍ពិពាហ៍​នេះ​ត្រូវ​បានបញ្ចប់​ដោយ​មូលហេតុ​ស្ម​ន្ថ​ភាព ។​

​នា​ខណៈ​ពេលនោះ​តុលាការ​ឲ្យ​ដឹងថា ចំណងទាក់ទង​រវាង​អ្នកស្រី​Patricia និង​កូនប្រុស​ពុំបាន​មាន​ទំនាក់ទំនង​ផ្លូវភេទ​ទេ ហើយ​មូលហេតុ​នៃ​ទង្វើ​នេះ ព្រោះតែ​អ្នកស្រី​ប៉ា ចង់​រារាំង​ការធ្វើ​កាតព្វកិច្ច​យោធា​របស់​កូន ។​

​សមត្ថកិច្ច​បាន​ឲ្យ​ដឹងថា អ្នកស្រី​Patricia បាន​បាត់បង់​សិទ្ធិ​ចិញ្ចឹម​កូន​៣​នាក់ តាំងពី​ប៉ុន្មាន​ឆ្នាំមុន​ម្លេះ ហើយ​កូន​ទាំង​៣​របស់គាត់​សុទ្ធ​រស់នៅ​ជាមួយ​ជីដូន​ខាង​ឪពុក ។​

Patricia ជឿថា អាពាហ៍ពិពាហ៍​របស់ខ្លួន​ជាមួយនឹង​កូនៗ​ពុំមែន​ជា​ទង្វើរ​ខុសច្បាប់​ទេ ព្រោះថា ឈ្មោះ​របស់​នាង​ពុំមាន​នៅក្នុង​សំបុត្រកំណើត​របស់​កូនៗ​ឡើយ​។ ឆ្លើយតប​នឹង​សំណួរ​របស់​អ្នកកាសែត​ពីអ្វី​ដែល​កំពុង​កើតឡើង កូនប្រុស​ទី​២​របស់​អ្នកស្រី​Patricia លើកឡើងថា ម្តាយ​របស់ខ្លួន បាន​រុញច្រាន​បងស្រី​និង​បងប្រុស​ឲ្យ​ធ្លាក់​ក្នុង​អាពាហ៍ពិពាហ៍​ស្ម​ន្ថ​ភាព​មួយ ។ កូនប្រុស​ទី​២​ឈ្មោះ Cody និយាយថា “​ខ្ញុំ​គិតថា គាត់​ពុំមាន​បុ​គ្គិល​លក្ខណៈ​គ្រប់គ្រាន់​ធ្វើជា​ម្តាយ​ឡើយ គ្រា​ដែល​បាន​រុញច្រាន​បងស្រី​របស់ខ្ញុំ​ឲ្យ​ធ្លាក់​ក្នុង​សភាព​បែបនេះ ។ គាត់​បាន​បង្ខំ​បងស្រី​ខ្ញុំ​ហើយ​មនុស្ស​ច្រើន​នាក់​ណាស់​ដែល​ដឹង​រឿងនេះ​” ។ Cody សង្កត់ធ្ងន់ថា ៖ “​ចំពោះ​មនុស្ស​ម្នាក់​ដែល​ប៉ង​រុញច្រាន​កូនស្រី​របស់ខ្លួន​ឲ្យ​ចូល​គុក សួរថា តើ​អាច​ធ្វើជា​ម្តាយ​បែបណា​ទៅ ? ទោះបី​នេះ​ជា​រឿង​ដែល​គាត់​ចង់ ប៉ុន្តែ​យើងខ្ញុំ​ទាំងអស់គ្នា​សុទ្ធតែ​ពុំបាន​គិតបែបនេះ​ទេ ជាក់ស្តែង​ឥឡូវនេះ បងស្រី​របស់ខ្ញុំ​កំពុង​អង្គុយ​ក្នុង​ទ្រុង ដោយសារ​ជ​ម្រើ​របស់គាត់​” ។​

​តាមច្បាប់​នៃ​រដ្ឋ​Oklahoma ការរៀប​ការ​ជាមួយ​មនុស្ស​ក្នុង​ក្រុមគ្រួសារ​តែមួយ​ត្រូវបាន​ចាត់ទុកថា​ជា​ទង្វើ​ស្ម​ន្ថ​ភាព ទោះបី​ជាមាន​ឬ​មិន​មានការ​រួមភេទ​ក៏ដោយ ។ ប្រសិនបើ​ត្រូវ​រង​ការកាត់ទោស​នោះ​អ្នកប្រព្រឹត្ត​អំពើ​នេះ​អាច​ជាប់ពន្ធនាគារ​ដល់​ទៅ​១០​ឆ្នាំ ៕​