ត្រឹមរយៈពេលមួយថ្ងៃ មានអ្នកស្លាប់ថ្មីដោយសារវីរុសកូរ៉ូណា ឬ COVID-19 ចំនួន ១០៩នាក់ នៅក្នុងប្រទេសចិន បណ្តាលឲ្យតួលេខនៃអ្នកស្លាប់សរុបកើនដល់ចំនួន ២.៣៤៥នាក់។ នេះបើតាមការបញ្ជាក់របស់គណៈកម្មការសុខភាពជាតិចិននៅថ្ងៃសៅរ៍នេះ។
ទោះយ៉ាងណា ការឆ្លងមានការធ្លាក់ចុះខ្លាំង ដោយមានត្រឹមតែ ៣៩៧ករណីប៉ុណ្ណោះទូទាំងប្រទេស ហើយតួលេខនៃអ្នកឆ្លងសរុបកើនលើស ៧៦.០០០នាក់។
មន្រ្តីចិនបាននិយាយថា ការធ្លាក់ចុះនៃចំនួនអ្នកឆ្លង បានបង្ហាញថាពួកគេកំពុងទទួលបានជោគជ័យ ក្នុងការគ្រប់គ្រងវីរុសនៅក្នុងខេត្តហូបេ ដែលត្រូវអាជ្ញាធរបានរឹតបន្តឹងការធ្វើដំណើរ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia