ក្រុមហ៊ុនអនឡាញយក្សរបស់អាមេរិច Amazon.com កាលពីថ្ងៃអាទិត្យម្សិលមិញនេះ បានឲ្យដឹងថា បុគ្គលិក ២នាក់របស់ខ្លួននៅទីក្រុង Milan ប្រទេសអ៊ីតាលី បានឆ្លងវីរុសកូរ៉ូណា (COVID-19) និងត្រូវបានដាក់ឲ្យនៅដាច់ដោយឡែកពីគេ។
អ្នកនាំពាក្យរបស់ក្រុមហ៊ុនបាននិយាយថា “ពួកយើងគាំទ្រដល់បុគ្គលិកដែលមានវីរុសកំពុងនៅទីក្រុង Miland ហើយឥឡូវពួកគេកំពុងនៅដាច់ដោយឡែក”។
កាលពីថ្ងៃសុក្រកន្លងទៅនេះ ក្រុមហ៊ុន Amazon បានប្រាប់បុគ្គលិករបស់ខ្លួនបញ្ឈប់ការធ្វើដំណើរ ដែលមិនចាំបាច់ ទាំងនៅក្នុង និងក្រៅអាមេរិច។
ក្រុមហ៊ុនអនឡាយធំបំផុតលើពិភពលោកខាងលើក៏បានបញ្ជាក់ថា បានផ្លាស់ប្តូរការសម្ភាសន៍រើសបុគ្គលិក តាមរយៈពេលសម្ភាសន៍តាមវីដេអូ ជាជាងការជួបដោយផ្ទាល់។
សូមបញ្ជាក់ថា មានមនុស្សចំនួន ២នាក់ហើយដែលបានស្លាប់ដោយវីរុសកូរ៉ូណា នៅអាមេរិច។ ដែលមានអ្នកឆ្លងជាង ៧០ករណី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
