ថ្ងៃទី១៧ ខែមករា ឆ្នាំ២០១៨ -ក្រុមហ៊ុន Epson បានបង្ហាញពីទំនុកចិត្តរបស់ខ្លួនចំពោះកំណើនសេដ្ឋកិច្ចរបស់ប្រទេសកម្ពុជានៅឆ្នាំ ២០១៨ ដែលកំពុងតែបន្តកើនឡើងតាមរយៈការបញ្ចេញលក់នូវផលិតផលម៉ាស៊ីនព្រីន L-Series Inktank ម៉ាស៊ីន Projector និងម៉ាស៊ីនស្កេនស៊េរីទំនើបៗជាច្រើនម៉ាកច្រើនម៉ូដែលដើម្បីបម្រើដល់តម្រូវការដ៏ចាំបាច់របស់សហគ្រាសខ្នាតតូច និងមធ្យម អាជីវកម្ម និងក្រុមហ៊ុនធុរកិច្ចជាច្រើនទៀតនៅក្នុងប្រទេសកម្ពុជា។
លោក Yunyong Muneemongkoltorn នាយកគ្រប់គ្រងទូទៅរបស់ក្រុមហ៊ុន Epson ប្រចាំប្រទេសថៃបានមានប្រសាសន៍ថា “ក្នុងរយៈពេលកន្លងមកនេះ ម៉ាស៊ីនព្រីន Inktank និង Projector របស់ Epson បានទទួលការគាំទ្រ និងជោគជ័យគួរជាទីមោទនៈ។ ក្រុមហ៊ុនបានលក់ផលិតផលម៉ាស៊ីន ព្រីនម៉ាក L-series អស់ដល់ទៅ 20 លានគ្រឿង រួចទៅហើយក្នុងប្រទេសជាង 150 នៅទូទាំងពិភពលោក។ ក្នុងតំបន់អាស៊ីអាគ្នេយ៍តែមួយគត់ ម៉ាស៊ីនព្រីនរបស់ Epson មានចំណែកទីផ្សាររហូតដល់ 70%។ លើសពីនេះទៅទៀត Epson កសាងកេរ្តិ៍ឈ្មោះបានយ៉ាងល្អនៅក្នុងការផ្គត់ផ្គង់ម៉ាស៊ីន projector។
ចំពោះការលក់វិញ Epson បានក្លាយជាម៉ាកយីហោល្បីលេខ1 ខាងផលិតផលម៉ាស៊ីន projector អស់រយៈពេល 16 ឆ្នាំជាប់ៗគ្នា
ហើយបានអះអាងថាមានចំណែកទីផ្សារប្រមាណ37.3% នៅក្នុងតំបន់”។
លោកបានបន្តថា “សេដ្ឋកិច្ចប្រទេសកម្ពុជាមានការរីកចម្រើនគួរឱ្យកត់សម្គាល់ក្នុងរយៈពេលប៉ុន្មានឆ្នាំកន្លងទៅនេះ ហើយត្រូវបានគេរំពឹងថានឹងបន្តកើនឡើងបន្ថែមទៀតក្នុងឆ្នាំ២០១៨នេះ ដោយអត្រា GDP ក្នុងរង្វង់ 7%។ មានកត្តាវិជ្ជមានជាច្រើនដែលស្ថិតនៅពីក្រោយភាពរីកចម្រើននេះ ក្នុងនោះមានដូចជា៖ លំហូរចូលច្រើននៃការវិនិយោគដោយផ្ទាល់ពីបរទេស (FDI) ការវិនិយោគរបស់រាជរដ្ឋាភិបាលនៅក្នុងវិស័យសំណង់ ការពង្រីកការនាំចេញក្នុងវិស័យគ្រឿងម៉ាស៊ីន និងឧបករណ៍អេឡិចត្រូនិច និងគ្រឿងបន្លាស់រថយន្តក៏ដូចជា ការរីកលូតលាស់ខាងវិស័យសេវាកម្ម មានដូចជាវិស័យទេសចរណ៍ និងសណ្ឋាគារជាដើម។ ប្រទេសកម្ពុជាពិតជាបានទាក់ទាញអ្នកវិនិយោគ និងអ្នកទេសចរជាច្រើនមកពីជុំវិញពិភពលោក។
តាមរយៈការពង្រីកអាជីវកម្មនៅក្នុងវិស័យជាច្រើន បាននាំឱ្យមានការវិនិយោគកាន់តែច្រើនឡើងដែរទៅលើឧបករណ៍បច្ចេកវិទ្យា និងព័ត៌មានវិទ្យា(IT) ជាពិសេស ម៉ាស៊ីនព្រីន ម៉ាស៊ីន projectors និងម៉ាស៊ីនស្កេនដែលជាឧបករណ៍ដ៏ចាំបាច់បំផុតសម្រាប់ប្រតិបត្តិការនៅតាមការិយាល័យរបស់ក្រុមហ៊ុន ស្ថាប័នរដ្ឋាភិបាល និងស្ថាប័នអប់រំនានាជាច្រើនទៀត។ នៅថ្ងៃនេះ ក្រុមហ៊ុន Epson បានបញ្ចេញលក់ជាផ្លូវការនូវម៉ាស៊ីនព្រីន L-series ស៊េរីថ្មី និងទំនើបៗចំនួន 6 ស៊េរី ដែលមានដូចជា L405 ជាប្រភេទម៉ាស៊ីនព្រីនដែលមានសមត្ថភាពអាចព្រីនបានយ៉ាងល្អឥតខ្ចោះនូវប្រភេទនៃពណ៌ទាំងបួន ហើយអាចបញ្ជាដោយប្រើWi-Fiបាន និងមានមុខងារច្រើនយ៉ាង និង L4150, L4160, L6160, L6170 និង L6190 ដែលមានប្រសិទ្ធភាពខ្ពស់ក្នុងការសន្សំសំចៃការប្រើប្រាស់ទឹកថ្នាំពណ៌ខ្មៅ។ ម៉ាស៊ីនព្រីនសំខាន់ៗដែលយើងយកមកបង្ហាញនៅពេលនេះគឺ L6160, L6170 និង L6190ព្រោះវាត្រូវបានបំពាក់ដោយ Print Head ជាមួយប្រព័ន្ធ Precision Core ដែលអាចព្រីនក្រដាសខ្នាតធំក្នុងល្បឿនលឿន និងចំណាយតិច។ សម្រាប់ការព្រីនក្រដាសពណ៌មានតម្លៃត្រឹមតែ ៥.២រៀលក្នុងមួយសន្លឹកខណៈដែលព្រីនស&ខ្មៅមានតម្លៃត្រឹមតែ ៦ រៀលប៉ុណ្ណោះ។
លើសពីនេះទៅទៀត ម៉ាស៊ីនព្រីនម៉ាកនេះមានមុខងារព្រីនឯកសារទាំងសងខាងបានដោយស្វ័យប្រវត្តិនិងឥតកំណត់សម្រាប់ទំហំក្រដាស A4។ ម៉ាស៊ីនព្រីនម៉ូដែលថ្មីទាំងអស់នេះគឺល្អឥតខ្ចោះសម្រាប់សហគ្រាស និងក្រុមហ៊ុនធុរកិច្ចទាំងឡាយណាដែលកំពុងស្វែងរកឧបករណ៍ដែលមិនត្រឹមតែអាចកាត់បន្ថយការចំណាយរបស់ក្រុមហ៊ុនប៉ុណ្ណោះទេ ថែមទាំងកាត់បន្ថយការប្រើប្រាស់ក្រដាសទៀតផង។
លោក Yunyong បន្ថែមទៀតថា “បច្ចុប្បន្ននេះ ក្រុមហ៊ុន ធុរកិច្ចជាច្រើន បានធ្វើការសម្រេចចិត្តយ៉ាងប្រុងប្រយ័ត្ន និងយកចិត្តទុកដាក់ជាទីបំផុតចំពោះការបញ្ជាទិញម៉ាស៊ីនព្រីនយកមកប្រើប្រាស់។ពួកគេតែងតែស្វែងរក និងចង់បានប្រភេទម៉ាស៊ីនព្រីនណាដែលមានតម្លៃសមរម្យ និងចំណេញច្រើន។ ពួកគេរំពឹងថាម៉ាស៊ីនព្រីនថ្មីរបស់ពួកគេនឹងដំណើរការបានលឿនជាងមុនហើយគ្មានការធ្លាក់ចុះនូវគុណភាព។
ពួកគេក៏សង្ឃឹមទុកទៀតថាឧបករណ៍នេះនឹងងាយស្រួលប្រើ អាចបញ្ជាបានតាម Wi-Fi អាចប្រើទឹកថ្នាំពណ៌ខ្មៅដែលមានគុណភាពល្អ
និងផ្តល់នូវការបោះពុម្ពដ៏ស្រស់ស្អាតច្បាស់ល្អ ហើយជាប់បានយូរអង្វែង។ ឆ្លើយតបទៅនឹងតម្រូវការទាំងអស់នេះ បើទោះបីជាក្រុមហ៊ុនទាំងនោះមានការរំពឹងទុកខ្ពស់យ៉ាងដូច្នេះក្តី ក៏ម៉ាស៊ីនព្រីន Epson អាចបំពេញបានតាមតម្រូវការរបស់ក្រុមហ៊ុនទាំងអស់នោះបានដែរ។ ផលិតផល និងឧបករណ៍របស់យើងជាប់ធន់ និងប្រើប្រាស់បានយូរអង្វែង។ បើនិយាយពីលក្ខខណ្ឌនៃដំណើរការ និងគុណភាពព្រីនវិញ យើងមានភាពល្អប្រសើរជាងដៃគូប្រជែងរបស់យើង ដោយសារតែម៉ាស៊ីនព្រីនទាំងអស់របស់ Epson ត្រូវបានផលិតចេញមកពីរោងចក្ររបស់ Epson ផ្ទាល់តែម្តង។ រាល់ការតម្លើង និងការគ្រប់គ្រងគុណភាពត្រូវបានធ្វើឡើងដោយEpson ទាំងអស់”។
លោកបញ្ជាក់ថា “ក្នុងចំណោមអ្នកផ្គត់ផ្គង់ផលិតផលទាំងអស់ ក្រុមហ៊ុន Epson ជាក្រុមហ៊ុនតែមួយគត់ដែលឈានមុខគេក្នុងការនាំមកជូននូវម៉ាស៊ីនព្រីនម៉ូដែល inkjet ដែលភ្ជាប់ប្រព័ន្ធ inktank។ ជាមួយនឹងម៉ាស៊ីនព្រីនដែលមានរហូតដល់ទៅ 18 ម៉ូដែល ដាក់លក់នៅលើទីផ្សារ អតិថិជនអាចស្វែងរកបានយ៉ាងងាយស្រួល និងសក្តិសមបំផុតក្នុងការយកទៅប្រើប្រាស់នៅតាមក្រុមហ៊ុន និងការិយាល័យ។ ក្រុមហ៊ុនទាំងអស់អាចជ្រើសយកម៉ាស៊ីនព្រីនប្រភេទណាមួយក៏បានដែរ ដែលម៉ាស៊ីនព្រីនទាំងអស់នោះសុទ្ធតែឆ្លើយតបបានយ៉ាងល្អទាំងការសន្សំសំចៃថវិកា ទាំងកម្រិតគុណភាពនៃការព្រីន។
លោកអ្នកមិនចាំបាច់ព្រួយបារម្ភអំពីការចំណាយខ្ជះខ្ជាយក្នុងការព្រីនក្រដាសក្នុងមួយទំព័រៗទៀតនោះទេ។ ដោយប្រើទឹកថ្នាំពណ៌ខ្មៅ
ម៉ាស៊ីនព្រីនថ្មីនេះអាចផ្តល់នូវលទ្ធភាពខ្ពស់ដែលអាចព្រីនបានរហូតដល់ទៅ ៧,៥០០ ទំព័រ ក្នុងមួយដប បើប្រៀបធៀបទៅនឹងម៉ូដែលមុនបានត្រឹមតែ ៦០០០ ទំព័រតែប៉ុណ្ណោះ”។
លោក Yunyong បានបញ្ជាក់ទៀតថា « Epson គឺជាក្រុមហ៊ុនផ្គត់ផ្គង់ផលិតផលអេឡិចត្រូនិកតែមួយគត់ដែលបានដាក់រួមបញ្ចូលនូវមុខងារបោះពុម្ពឌីជីថលដោយស្វ័យប្រវត្តិនៅក្នុងម៉ាស៊ីនព្រីន។ ត្រូវបានបង្កើតឡើងដោយ Epson មុខងារនេះអាចសន្សំសំចៃចំពោះការចំណាយលើក្រដាសបានរហូតដល់ទៅ៥០%ឯណោះសម្រាប់ការប្រើប្រាស់នៅតាមការិយាល័យ។ ដូច្នេះ វាបានបង្ហាញឱ្យឃើញកាន់តែច្បាស់ពីភាពដ៏ល្អឥតខ្ចោះដល់ការិយាល័យទាំងឡាយណាដែលបានព្យាយាមកាត់បន្ថយការប្រើប្រាស់ក្រដាស។
ម៉ាស៊ីនព្រីនគ្រប់ម៉ូដែលទាំងអស់ ដែលត្រូវបានបញ្ចេញលក់នៅលើទីផ្សារដោយក្រុមហ៊ុន Epson នាពេលនេះ ក៏មានទំហំតូចជាងមុនផងដែរ ដែលអាចចូលរួមចំណែកក្នុងការសន្សំទីធ្លាការិយាល័យរបស់លោកអ្នកទៀតផង។ លើសពីនេះទៅទៀត ម៉ាស៊ីនព្រីនម៉ូដែលនេះត្រូវបានបំពាក់ដោយប្រព័ន្ធបញ្ចូលទឹកថ្នាំ Error-free និងមិនឲ្យកំពប់។ សម្រាប់ការរចនាម៉ូដក្បាលដបនៃពណ៌ទឹកថ្នាំវិញ គឺមានភាពល្អឥតខ្ចោះដែលធានាថាពណ៌ទឹកថ្នាំណាអាចដាក់ចូលទៅក្នុងធុងពណ៌ថ្នាំហ្នឹងដោយមិនច្រឡំពណ៌គ្នានោះឡើយ។ ដើម្បីជៀសវាងពីការកំពប់ទឹកថ្នាំម៉ាស៊ីនព្រីនទាំងនេះធានាថាទឹកថ្នាំហូរចេញពីដបតែនៅពេលដែលទឹកថ្នាំត្រូវបានដាក់បញ្ចូលទៅក្នុងធុងថ្នាំតែប៉ុណ្ណោះ។ ដើម្បីជាកាដូសម្រាប់អតិថិជនរាល់ការទិញម៉ាស៊ីនព្រីនម៉ូដែលនេះ យើងនឹងផ្តល់ជូននូវការធានារយៈពេល២ឆ្នាំ ទាំងគ្រឿងបន្លាស់
និងសេវាកម្មឬអាស្រ័យលើស្ថានភាពម៉ាស៊ីនព្រីន។»
សម្រាប់ទីផ្សារផលិតផល projector វិញ នៅថ្ងៃនេះ ក្រុមហ៊ុន Epson បានដាក់បង្ហាញនូវម៉ូដែលSmart seriesថ្មី ចំនួន 7ម៉ូដែល។
ដោយមានបាញ់ពន្លឺភ្លឺតិចជាង ៤,០០០ lumen ឧបករណ៍ទាំងនេះ ដំណើរការបានយ៉ាងល្អឥតខ្ចោះសម្រាប់បន្ទប់ប្រជុំតូចៗនៅតាមសហគ្រាសខ្នាតតូច និងមធ្យមស្ថាប័នអប់រំ និងកន្លែងធ្វើការ។ ម៉ូដែលថ្មីទាំងនេះគឺ EB-S05 EB-S41 EB-X05 EB-X41EB-W05 EB-W41 និង EB-U42។ អំពូលរបស់ projector ម៉ូដែលថ្មីនេះ កាន់តែមានសភាពភ្លឺថ្លាហើយមានអាយុកាលប្រើប្រាស់បានយូររហូតដល់ទៅជាង ៥០០០ ម៉ោង ទៅ ៦០០០ ម៉ោងចំពោះការប្រើប្រាស់ធម្មតា normalmode និង១០,០០០ ម៉ោងចំពោះការប្រើប្រាស់ Eco Mode។ម៉ាស៊ីន projector ថ្មីទាំងនេះមានបំពាក់នូវDirect Power On និង Auto Power-On ដែលជាលក្ខណៈពិសេសអនុញ្ញាតឱ្យរកឃើញដោយស្វ័យប្រវត្តិនូវinput ឬsignal ។ វាក៏មានប៊ូតុងHome Screen ផងដែរ ដើម្បីឱ្យអ្នកប្រើអាចកំណត់មុខងារនៅលើអេក្រង់បានយ៉ាងងាយស្រួលបំផុត។ កិច្ចការងាររបស់លោកអ្នកនឹងដំណើរការបានដោយរលូន និងមានភាពលឿនរហ័ស។ ចំណុចដ៏លេចធ្លោមួយទៀតរបស់projector ថ្មីទាំងនេះ គឺមានលក្ខណៈពិសេសឥតខ្សែ Wireless featureទៀតផង។
EB-U42 គឺប្រភេទ projector ដែលយើងលើកយកមកបង្ហាញនាពេលនេះ។ វាមានប្រព័ន្ធឥតខ្សែដែលភ្ជាប់មកជាមួយ វាមានមុខងារ Wi-Fi Direct និងMiracast។ មិនតែប៉ុណ្ណោះ វាអាចធ្វើការបញ្ចាំងពីឧបករណ៍ Android ណាក៏បានដែរ វាក៏អាចដំណើរការជាមួយឧបករណ៍ផ្សេងៗទៀតក្នុងពេលតែមួយបានទៀតផង។ ដោយសារពហុមុខងារ Multi PC របស់វាទើបធ្វើឱ្យវាអាចភ្ជាប់ជាមួយកុំព្យូទ័រ ស្មាតហ្វូន និងថេប្លែត រហូតដល់ ៥០ គ្រឿងឯណោះក្នុងពេលតែមួយ។ វាមានសមត្ថភាពខ្លាំងជាមួយនឹងប្រព័ន្ធប្រតិបត្តិការរបស់Android និងiOS វាអាចបញ្ចាំងមាតិកា ឬឯកសារក្នុងពេលដំណាលគ្នាពីអេក្រង់រហូតដល់ទៅ៤អេក្រង់។
នៅថ្ងៃនេះ យើងក៏បានបញ្ចេញលក់នូវម៉ាស៊ីនស្កេន Workforce DS410ផងដែរ ។ ជាមួយនឹង Automatic Feeding Mode ម៉ូដែលនេះផ្តល់ជូននូវការស្កេនបានយ៉ាងលឿនរហូតដល់ទៅ២៦ ទំព័រ ឬ ៥២រូបភាពក្នុងមួយនាទី។
ឧបករណ៍បញ្ជូនឯកសារដោយស្វ័យប្រវត្តិរបស់វាអាចស្កេនឯកសារបានរហូតដល់ ៥០ ទំព័រក្នុងមួយលើកៗ។ ដោយសារមុខងារការពារក្រដាស (Paper Protection) ម៉ាស៊ីនស្កេនប្រភេទថ្មីនេះ នឹងបញ្ឈប់ការស្កេនភ្លាមប្រសិនបើរកឃើញថាក្រដាសដែលស្កេននោះមានភាពមិនប្រក្រតី។ ជាទូទៅ Workforce DS410មានសមត្ថភាពខ្ពស់អាចស្កេនបានរហូតដល់ទៅ ៣០០០ទំព័រឯណោះជារៀងរាល់ថ្ងៃ។ជាមួយនឹងម៉ាស៊ីនស្កេនប្រភេទថ្មីនេះ ការស្កេនពិតជាមានភាពលឿនរហ័ស និងងាយស្រួលមែនទែន។ លោកអ្នកអាចស្កេន អាចកែតម្រូវ (edit) រក្សាទុក និងផ្ទេរឯកសារដែលបានស្កេននោះទៅថតផ្ទុកឯកសារខុសៗគ្នាបានយ៉ាងងាយស្រួល និងមានប្រសិទ្ធភាពជាទីបំផុត។
«Epson ជឿជាក់ថា ក្រុមហ៊ុនអាជីវកម្មនៅក្នុងប្រទេសកម្ពុជា រាប់តាំងពីអាជីវកម្មខ្នាតតូចរហូតដល់សាជីវកម្មធំៗ និងគ្រឹះស្ថានអប់រំទាំងឡាយនឹងទទួលយក ហើយស្វាគមន៍យ៉ាងកក់ក្តៅនូវផលិតផលដែលត្រូវបានបញ្ចេញដាក់លក់នាពេលនេះ ហើយពិតជានឹងផ្តល់ការកោតសរសើរដល់ម៉ាកផលិតផលរបស់យើងកាន់តែខ្លាំងក្លាបន្ថែមទៀត។ យើងក៏នឹងមានគម្រោងបន្តដាក់ឱ្យដំណើរការនូវផលិតផលថ្មីៗជាច្រើនទៀតនៅក្នុងទីផ្សារផងដែរដើម្បីផ្តល់នូវជម្រើសដ៏ប្រសើរជាងមុនដល់គ្រប់អតិថិជនទាំងអស់។ យើងនឹងខិតខំពង្រឹងរាល់គុណភាពផលិតផលរបស់ Epson និងបង្កើននិរន្តរភាពរបស់ខ្លួនជាបន្តទៀតតាមរយៈយុទ្ធសាស្ត្រនានាជាច្រើនមានដូចជា៖ ទំនាក់ទំនងសាធារណៈ ការផ្សាយពាណិជ្ជកម្ម ការធ្វើទីផ្សារ ការធានាថាផលិតផលនឹងមានគុណភាពល្អជាងផលិតផលរបស់ដៃគូប្រកួតប្រជែងនិងការផ្តល់ជូននូវសេវាកម្មក្រោយការលក់ដ៏ល្អឥតខ្ចោះពីដៃគូចែកចាយដែលមានកិច្ចសហការដ៏យូរអង្វែងរបស់យើង៕ ដោយ-ក្រុមហ៊ុន
