ខេត្តស្វាយរៀង៖ ២នាក់ប្តីប្រពន្ធជិះម៉ូតូឌុបគ្នាចេញពីធ្វើការត្រឡប់មកផ្ទះវិញខណៈដែលកំពុងដំណើរនោះផ្ទៃមេឃមានពពកខ្មៅនិងធ្លាក់ភ្លៀងកក់ខែលាយឡំនិងខ្យល់ផ្គររន្ទះបាញ់ខ្លាំងៗផងក៏ត្រូវបានរន្ទះបាញ់ស្លាប់បាត់បង់ជីវិតទាំង២នាក់ប្តីប្រពន្ធយ៉ាងអាណោចអធ័ម។
ករណីរន្ទះបាញ់ស្លាប់២នាក់ប្តីប្រពន្ធនេះបានកើតឡើងកាលពីវេលាម៉ោង១៧និង៣០នាទីល្ងាចថ្ងៃទី៨ខែមេសាឆ្នាំ២០២០ស្ថិតនៅភូមិ ប្រាសាទ សង្កាត់ប្រាសាទ ក្រុង បាវិត ខេត្តស្វាយរៀង។
យោងតាមសមត្ថកិច្ចបានឲ្យដឹងថា៖ នៅមុនពេលកើតហេតុនោះមានភ្លៀងធ្លាក់លាយឡំនិងខ្យល់ខ្លាំងៗរន្ទះផ្គរផងនោះស្រាប់តែរន្ទះបាញ់ចំពីរនាក់ប្ដីប្រពន្ធ ដែលកំពុងធ្វើដំណើរនៅតាមផ្លូវបណ្ដាលឲ្យស្លាប់ទាំង២នាក់តែម្តង។
ប្រភពបានបន្តទៀតថា៖ ជនរងដែលស្លាប់ដោយរន្ទះបាញ់នេះ ទី១.ឈ្មោះខាន់ ណាក់ ភេទប្រុស អាយុ ៣២ឆ្នាំ ២.ឈ្មោះព្រាប សាទ ភេទស្រី អាយុ ៣១ឆ្នាំត្រូវជាប្រពន្ធមានទីលំនៅភូមិប្រាសាទសង្កាត់ប្រាសាទក្រុងបាវិតខេត្តស្វាយរៀងត្រូវស្លាប់នៅនឹងកន្លែងកើតហេតុ៕ដោយ៖ វ៉ៃកូ
