បន្ទាយមានជ័យ៖ នៅខេត្តបន្ទាយមានជ័យ លើកនេះកូនភ្លោះ៣នាក់ សុទ្ធតែប្រុសៗសម័យកូវីដ១៩ កើតក្នុងគ្រួសារកសិករ នៅភូមិក្បាលទន្សោង ឃុំបន្ទាយឆ្មារ ស្រុកថ្មពួក ។
ស្ត្រីជាម្តាយមានឈ្មោះ ម៉ុន សុផន អាយុ២៤ឆ្នាំ មានទីលំនៅភូមិក្បាលទន្សោង ឃុំបន្ទាយឆ្មារ ខេត្តបន្ទាយមានជ័យ និងប្តីឈ្មោះ លាង ប៊ុនធាវ អាយុ២៤ឆ្នាំ។ នេះបើតាមលោកវរសេនីយ៍សៅ សារឿន អធិការនគរបាលស្រុកថ្មពួក ឲ្យដឹងកាលពីថ្ងទី២១ ខែមេសា បន្ទាប់ពីបានទៅសួរសុខទុក្ខ ។
លោកបន្តថា ម្តាយនោះ បានសម្រាលកូនភ្លោះ បានចំនួន៣នាក់ សុទ្ធតែប្រុស តាំងពីថ្ងៃទី៩ ខែមេសា ឆ្នាំ២០២០ នៅមន្ទីរពេទ្យគន្ធបុប្ផាខេត្តសៀមរាប ។
ស្ត្រីម្តាយបានកើតកូនដំបូងបានភ្លោះចំនួន៣ នាក់ ឥឡូវមានសុខភាពល្អដែរ ។
សូមមរំលឹកថា ក្នុងរដូវកាលនៃការរីរាលដាលមេរោគជំងឺកូវីដ-១៩ នេះ ពលរដ្ឋនៅខេត្តបន្ទាយមានជ័យ ចំនួន២គ្រួសារហើយបានបង្កើតកូនភ្លោះ៣ ។ ជាកូនធម៌តេជោហ៊ុន សែន នាយករដ្ឋមន្ត្រី និងសម្តេចកិតកតិព្រឹទ្ធបណ្ឌិតប៊ុន រ៉ានី ហ៊ុន សែន លើកទី៣៦០ និងទី៣៦១ ។ គឺគ្រួសារទី១ ម្តាយមានឈ្មោះជួប ចិត្ត អាយុ៣២ឆ្នាំ និងបុរសជាឳពុកមានឈ្មោះខន យ៉ាន អយុ៣៥ឆ្នាំ មុខរបរជាកម្មករសំណង់ ទាំង២នាក់។ ពួកគេកើតកូនភ្លោះ ជាកូនដំបូងសុទ្ធតែស្រី តាំងពីថ្ងទី២៨ ខែមីនា ឆ្នាំ២០២០ នៅមន្ទីរពេទ្យគន្ធបុប្ផាខេត្តសៀមរាប ។ គ្រួសារនេះមានជីវភាពទីទ័លក្រ នៅដីឡូតិ៍លេខ៨ មណ្ឌល៨ ភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ ពួកគេបានចេញពីមន្ទីរពេទ្យ កាលពីថ្ងៃទី៩ ខែមេសា ឆ្នាំ២០២០ ហើយទទួលបានមន្ត្រី សប្បុរសជនទៅសួរសុខទុក្ខ ។ ថ្ងៃទី១១ ខែមេសា គ្រួសារនោះ ទទួលការចុះសួរសុខទុក្ខ និងអំណោយសម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី តាមរយៈលោកសៀង ទៀង ជំនួយការសម្តេចតេជោនិងលោកស្រី និងទី២ កូនភ្លោះ៣ សុទ្ធតែប្រុសៗ កើតក្នុងគ្រួសារកសិករមានឈ្មោះ ម៉ុន សុផន អាយុ២៤ឆ្នាំ មានទីលំនៅភូមិក្បាលទន្សោង ឃុំបន្ទាយឆ្មារ ខេត្តបន្ទាយមានជ័យ និងប្តីឈ្មោះ លាង ប៊ុនធាវ អាយុ២៤ឆ្នាំ កាលពីថ្ងៃទី៩ ខែមេសា ឆ្នាំ២០២០ ហើយទើបវិលមកផ្ទះ កាលពីថ្ងៃទី២០ ខែមេសា ឆ្នាំ២០២០ ។
លោកហេង សុភក្តិ មេឃុំបន្ទាយឆ្មារ ឲ្យដឹងថ្ងៃទី ២១ ខែមេសា ឆ្នាំ២០២០ថា ៖យុវជន នៃសហភាពសហព័ន្ធយុវជនកម្ពុជា (សសយក) ឃុំបន្ទាយឆ្មារ សហការជាមួយសសយក ឃុំថ្មពួក បានដឹកនាំអំណោយ របស់លោកជំទាវ ឧកញ៉ា ម៉ៅ ម៉ាល័យ កែ គឹមយ៉ាន ប្រធានកិត្តិយសសមាគមនារីកម្ពុជា ដើម្បីសន្តិភាព និងអភិវឌ្ឍន៍ ទៅជូនដល់គ្រួសារកូនភ្លោះ ៣នាក់ នៅភូមិក្បាលទន្សោង ៕ ដោយ ៖ បន្ទាយ
