ឆ្នាំជូត
រាសីល្អជាមធ្យម។
ការងារ ៖ ចូរប្រយ័ត្នការប៉ះទង្គិចសម្តីណាមួយជាមួយក្រុមមនុស្សនៅក្បែរខ្លួន។ សម្រាប់ក្នុងរង្វង់គ្រួសារស្ត្រីចូរចេះអត់ធ្មត់កិច្ចការងារផ្ទះសម្បែងបន្តិចបើពុំនោះទេនឹងកើតជម្លោះវិវាទណាមួយពុំខាន។
ជំនួញ ៖ លោកអ្នកជួបរឿងខ្វាយខ្វល់ច្រើនព្រោះតែការធ្វើជំនួញទីជិតឆ្ងាយមិនសមដូចប្រកបទេច្រើនអង្គុយស្ងាបឬដកដង្ហើមចោលច្រើនជាង។ការធ្វើដំណើរទីជិតឆ្ងាយចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។
ស្នេហា ៖ មានការប្រែប្រូលប្តូរផ្លាស់ព្រោះជួនផ្អែមល្ហែម ជួនពាក់មុខខ្លាដាក់គ្នា៕
ឆ្នាំឆ្លូវ
រាសីស្រុតចុះ។
ការងារ ៖ គប្បីមានការប្រយ័ត្នប្រយែងទើបប្រសើរ។ អ្នកប្រកបការងាររាជការឬក្រុមហ៊ុនឯកជនវិញលោកអ្នកមិនត្រូវធ្វើអ្វីដោយធ្វេសប្រហែសនោះទ្បើយបើពុំនោះទេពិតជាជះឥទ្ធិពលអាក្រក់ណាមួយកើតឡើងពុំខាន។
ជំនួញ ៖ មានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។
ស្នេហា ៖មានការរកាំចិត្តព្រោះតែម្នាក់ៗចង់ចាញ់ឈ្នះគ្នាដោយមិនសូវចេះអត់ឱនឱ្យគ្នាឡើយ៕
ឆ្នាំខាល
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អទាំងការប្រកបការងារនិងបញ្ហាប្រាក់កាសតែងជឿនលឿនទៅមុខជានិច្ច។លោកអ្នកទោះធ្វើអ្វីមានភាពរលូននិងទទួលជោគជ័យផង។ចូរលោកអ្នកធ្វើបុណ្យដាក់ទានដើម្បីសន្សំសេចក្តីសុខទៅគ្រាខាងមុខ។
ជំនួញ ៖ មានភាពកាក់កបគួរសមហើយបើមានជួញទីជិតឆ្ងាយទៀ់តសោតក៏អាចប្រមូលភោគផលចូលផ្ទះវិញយ៉ាងត្រជាក់ចិត្ត។ដំណើរចាកចេញក្រៅផ្ទះមានតែក្រុមមនុស្សស្វាគមន៍រាក់ទាក់និងក្រុមមនុស្សជួយជ្រោមជ្រែង។
ស្នេហា ៖ មានការចម្រើនលូតលាស់និងកំពុងផ្អែមល្ហែមគួរសមផង៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះដំណើរជីវិតរបស់លោកអ្នកជួបនូវបញ្ហាចំពោះមុខច្រើនមិនថានៅផ្ទះសម្បែងឬចេញទៅធ្វើការទីជិតឆ្ងាយឡើយ។ លោកអ្នកជួបនូវបញ្ហាប្រទាំងប្រទើស និង កិច្ចការងាររាំងស្ទះច្រើនត្រូវឆ្លងកាត់។
ជំនួញ ៖ លាភតូចធំពុំសូវមានសំបូរទេព្រោះបើមិនបោលហួសគឺឈោងចាប់មិនសូវជាប់នោះឡើយ។ការធ្វើដំណើរទីជិតឆ្ងាយគួរមានការយកចិត្តទុកដាក់សុវត្តិភាពផ្ទាល់ខ្លួនបន្តិចទើបគ្មានរឿងរាវអ្វីមួយចូលយាយីកើត។
ស្នេហា ៖ ជួបរឿងរកាំចិត្តពីព្រោះតែការប្រឆាំងគ្នាច្រើន៕
ឆ្នាំរោង
រាសីល្អជាមធ្យម។
ការងារ ៖ នៅថ្ងៃនេះលោកអ្នកទទួលរងភាពតានតឹងច្រើនបន្តិច ម្ល៉ោះហើយទោះធ្វើអ្វីទាល់តែអត់ធ្មត់តស៊ូបន្តិចទើបចៀសផុតរឿងរាវអាក្រក់ទាំងពួងរត់ចូលកើត។ ក្រៅពីនេះការប្រកបការងារលោកអ្នកគួររក្សាភាពស្ងប់ស្ងាត់ ហើយរកពេលវេលាសម្រាកខ្លះផង ទើបជាការប្រសើរ។
ជំនួញ ៖ ទិញចូលលក់ចេញដាច់មួយៗគ្រាន់ចិញ្ចឹមឆ្នាំងបាយរស់អញ្ចឹងដែរតែយ៉ាងណាឱ្យប្រយ័ត្នគ្រោះចាញ់បោកគេបន្តិចព្រោះងាយរងគ្រោះផង។
ស្នេហា ៖ ក្នុងអំឡុងពេលនេះមិនទៅមុខហើយក៏មិនថយក្រោយដែរគឺចតនៅស្ងៀមល្អណាស់៕
ឆ្នាំម្សាញ់
រាសីស្រុតចុះ។
ការងារ ៖ សម្រាប់លោកអ្នកកើតឆ្នាំម្សាញ់នៅថ្ងៃនេះបើតាមក្បួនហោរាសាស្ត្រចិនហើយបញ្ជាក់ថាដួងរាសីស្រុតចុះខ្លាំងបន្តិច ហេតុនេះទោះប្រកបកិច្ចការងារអ្វីតោងតែប្រយ័ត្នប្រយែងបន្តិចទើបគ្មានបញ្ហាមិនល្អណាមួយចោទឡើង។
ជំនួញ ៖ លោកអ្នកជាអាជីវករជួបលើបញ្ហាប្រទាំងប្រទើសច្រើន ឯផលកម្រៃទៀតសោតក៏ហូរចូលដោយតឹងណាស់។ ការធ្វើដំណើរទីជិតឆ្ងាយមិនសូវមានសុវត្តិភាពទេពិសេសឱ្យប្រយ័ត្នទិសពាយ័ព្យតែម្តង។
ស្នេហា ៖ មានការចាប់កំហុសព្រោះតែភាពប្រចែប្រច័ណ្ឌកំពុងដឹកមុខ៕
ឆ្នាំមមី
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់ការសម្រេចចិត្តការងារឬបណ្តាក់ទុនរកស៊ីអ្វីមួយពីព្រោះថាផលជាផ្លែផ្កាឆ្លើយតបមកវិញគ្រាន់ជាទីពេញចិត្តជានិច្ច។
ជំនួញ ៖ ការទិញចូលលក់ចេញគ្រាន់រស់រវើកគួរសម ហើយបើចង់ចរចារឿងទំនិញអ្វីមួយផងតែងអាចសម្រេចចប់ចុងចប់ដើមដូចគាប់បំណង។
ស្នេហា ៖ មានការរីកលូតលាស់ទៅមុខនិងបើមានការចង់ផ្សំផ្គុំគ្រួសារផងជាឱកាសល្អប្រពៃបំផុត៕
ឆ្នាំមមែ
រាសីល្អជាមធ្យម។
ការងារ ៖ នៅក្នុងថ្ងៃនេះដំណើរជីវិតរបស់លោកអ្នកមានភាពរលូនល្អមិនថាការលេងហ៊ុន ការបណ្តាក់ទុនរកស៊ី ការទំនាក់ទំនងកិច្ចការងារមានភាពចម្រើនលូតលាស់ទៅមុខជានិច្ច។
ជំនួញ ៖ ការរកផលកម្រៃមានភាពធូរស្បើយជាងមុនដោយលោកអ្នកអាចរកប្រាក់ចំណូលគ្រាន់ចិញ្ចឹមក្រពះអញ្ចឹងដែរ។
ស្នេហា ៖ មានភាពស្រស់ស្រាយ ព្រោះម្នាក់ៗយកចិត្តទុកដាក់ចំពោះគ្នាជាងមុន៕
ឆ្នាំវក
រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ហេតុនេះបើលោកអ្នកចង់ពឹងពាក់ឬខ្ចីអ្វីមួយពីអ្នកដទៃឃើញថាតែងមិនឆ្លើយតបដូចក្តីប្រាថ្នាប៉ុន្មាននោះឡើយ។
ជំនួញ ៖ ការទិញចូលលក់ចេញរស់រវើកបន្តិចវិញ ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។
ស្នេហា ៖ មានការប្រឆាំងនិងចង់ចាញ់ឈ្នះគ្នាច្រើននាំឱ្យកើតការរកាំចិត្តមិនតិចឡើយ៕
ឆ្នាំរកា
រាសីល្អជាមធ្យម។
ការងារ ៖ ដំណើរជីវិតរបស់មនុស្សយើងនោះតែងមានការផ្លាស់ប្តូរច្រើន ដូចនេះបើទោះបីធ្វើអ្វីក៏ដោយមិនអាចប្រមាថបានទេ បើពុំនោះពេលខ្លះផលល្អសោះអាចប្រែមកអាក្រក់វិញផង។ ការប្រកបការងារមានការជឿនលឿនទៅមុខតិចតួចតែការថយក្រោយនោះមានច្រើនគប្បីមានការប្រយ័ត្នប្រយែងបន្តិច។
ជំនួញ ៖ ហុចភោគផលគ្រាន់ជាទីកក់ក្តៅតែយ៉ាងណាមិនគប្បីយកខ្លួនបៀតល្បែងស៊ីសងឡើយ ព្រោះនាំកើតឧបទ្រពចង្រៃ។ ចំពោះការលក់ដូរវិញមិនជឿនលឿនទៅមុខ។
ស្នេហា ៖ កើតការរកាំចិត្តនិងរឿងរ៉ាវរត់ចូលច្រើន ដូចនេះឱ្យប្រយ័ត្នបញ្ហាជម្លោះវិវាទបន្តិច៕
ឆ្នាំច
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកឃើញថាមានការរីកលូតលាស់គ្រាន់គាប់ប្រសើរឡើងវិញ ហើយធ្វើអ្វីក៏តែងផ្តល់ល្អមួយចំនួនគ្រាន់កក់ក្តៅដែរ ។
ជំនួញ ៖ ហុចផ្លែផ្កានិងប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ មានភាពលូតលាស់ទៅមុខនិងត្រជាក់ត្រជុំប្រពៃណាស់៕
ឆ្នាំកុរ
រាសីខ្ពស់ត្រដែត។
ការងារ ៖ នៅថ្ងៃនេះមានសិរីមង្គល ហើយទោះធ្វើអ្វីក៏តែងជួបភាពសុខដុមនិងក្រុមមនុស្សជួយជ្រោមជ្រែង។ចំណែកការប្រកបការងារក៏មានការចម្រើនលូតលាស់និងមានជោគមានជ័យច្រើនផង។
ជំនួញ ៖ ជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។
ស្នេហា ៖ មានការផ្អែមល្ហែមនិងស្រស់ស្រាយប្រពៃណាស់៕