Saturday, January 29, 2022

រកឃើញ​កន្លែង​មាន​គ្រាប់បែក​ជា​អាវុធ​គីមី ៧​កន្លែង​ថ្មី​ទៀត បង្ក​គ្រោះថ្នាក់​ដល់​ពលរដ្ឋ​ជាង​១០​នាក់​

​ស្វាយរៀង​៖ កង​ទ​ព័​នៃ​កំលាំង​អាជ្ញាធរ​ជាតិគីមី​និង​កំលាំង​ស៊ីម៉ាក់​បាន រុក​រកឃើញ​កន្លែង​មាន​គ្រាប់បែក​ជា​អាវុធ​គីមី ចំនួន​៧​កន្លែង​ថ្មី​ទៀត ស្ថិត​ឃុំ​គគីរ ដោយ​រួមទាំង​មួយកន្លែង​បាន​បង្ក​គ្រោះថ្នាក់​ដល់​ប្រជាពលរដ្ឋ​ចំនួន​ជាង​១០​នាក់​។​

​លោក​ហេង​រតនា អគ្គនាយក​ស៊ីម៉ាក់ បាន​ថ្លែង​ក្នុង​ផេ​ក​ហ្វេ​ស​ប៊ុ​កថា នៅ​ថ្ងៃទី​៩​ខែតុលា​ឆ្នាំ​២០១៧​នេះ ការរុករក​គ្រាប់បែក​ទំលាក់​ពី​យន្តហោះ​ជា​ប្រភេទ​អាវុធ​គីមី​នៅក្នុង​បរិវេណ​សាលាបឋមសិក្សា​និង​វត្ត​គគីរ ភូមិ​គគីរ ឃុំ​គគីរ ស្រុក​រមាសហែក ខេត្តស្វាយរៀង ត្រូវបាន​បញ្ចប់​ហើយ ដោយ​រកឃើញ​តែមួយ​គ្រា​ប់​ទេ​។

​លោក​អគ្គនាយក បាន​បញ្ជាក់ថា បី​សាច​ចំហាយ​ពិស​មួយ​គ្រាប់​ទៀត​អាច​ស្ថិតនៅក្រោម​អគារ​សាលាឆាន់ និង​អគារ​មួយចំនួនទៀត ព្រោះ​ក្រោយ​សង្គ្រាម​ទី​វត្ត​អារាម​នេះ បាន​កសាង​សំណង់​មួយចំនួន​ដូចជា​សាលាឆាន់ សាលាបឋមសិក្សា​ចំនួន​២​ខ្នង និង​អគារ​មួយចំនួនទៀត​កង​ទ​ព័​នៃ​កំលាំង​អាជ្ញាធរ​ជាតិគីមី​និង​កំលាំង​សុ​ី​ម៉ា​ក់បាន​ប្រឹងប្រែង​រុករក​ខាងក្រៅ​អគារ​អស់ហើយ ហើយ​យើង​មិនអាច​កំទេច​អគារ​ទាំងនោះ​ចោល​បានទេ​។ យើង​បាន​បោសសំអាត​មួយគ្រា​ប់​នៅជាប់​សាលារៀន អាចមាន​សុខ​សុ​វ​តិ្ថ​ភាព​ជូន​ក្មួយៗ​ហើយ រីឯ​សល់​មួយ​គ្រាប់​ទៀត​ករណីនេះ​ត្រូវ​សាងសង់​ជាថ្មី ចាំបាច់​ត្រូវ​បោសសំអាត​ជាមុនសិន​។​

​លោក​បន្តថា មរតក​នេះ​ទុក​ជូន​ក្មេងៗ​ជំនាន់​ក្រោម​ហើយ ប្រសិនជា​ព័ត៌មាន​រាយការណ៍​នោះ​មិន​ខុស​ទេនោះ ហើយ​យើង​មានជំនឿថា មិន​ខុស​ទេ​តែ​មិន​ចាំ​កន្លែង​ច្បាស់​តែប៉ុណ្ណោះ​។ ជាមួយ​កិច្ច​ប្រតិ​ប​តិ្ត​ការ​នេះ កំលាំង​ទាំង​២​អង្គភាព​រុករក​ឃើញ​កន្លែង​មាន​គ្រាប់បែក​ជា​អាវុធ​គីមី​ដូចគ្នានេះ​ចំនួន​៧​កន្លែង​ថ្មី​ទៀត​ស្ថិត​ឃុំ​គគីរ​នេះ ដោយ​រួមទាំង​មួយកន្លែង​បាន​បង្ក​គ្រោះថ្នាក់​ដល់​ប្រជាពលរដ្ឋ​ចំនួន​ជាង​១០​នាក់ ហើយ​តាម​ពត៌មាន​ចំនួន​៣​នាក់​ត្រូវ​ចូល​ទេ​ព្យ​វិញទៀត​នៅ​ថ្ងៃទី​៩​នេះ ដោយសារ​ស្ថានភាព​សុខភាព​មិនល្អ​៕​ ​ដោយ​៖​ជាលី​