ឆ្នាំជូត
រាសីស្រុតចុះ។
ការងារ ៖ នៅក្នុងថ្ងៃនេះដោយសារដួងរាសីស្រុតចុះ ម្ល៉ោះហើយទោះធ្វើអ្វីក៏ដោយលោកអ្នកត្រូវប្រកាន់យកភាពចិត្តត្រជាក់ដាក់ខ្លួនទើបមិនមានបញ្ហាអាក្រក់ណាមួយជ្រែកចូលកើត។
ជំនួញ ៖ បើចង់ចំណាយប្រាក់កាសដាក់ទុនលើអ្វីមួយត្រូវគិតគូរឱ្យច្បាស់លាស់ចៀសវាងដាក់ទុនទៅហើយត្រូវកប់បាត់អស់ ហើយត្រូវទៅខ្ចីអ្នកដទៃនាំគេប្រមាថ។ការធ្វើដំណើរទីជិតឆ្ងាយចូរប្រយ័ត្នឧប្បត្តិហេតុយាយីបន្តិច។
ស្នេហា ៖ ប្រុសស្រីចូរនៅទ្រឹងមួយកន្លែងប្រយ័ត្នជួបរឿងរាវអាក្រក់ ហើយរែកពន់ភាពទុក្ខសោកមកវិញ៕
ឆ្នាំឆ្លូវ
រាសីល្អជាមធ្យម។
ការងារ ៖ ក្នុងថ្ងៃនេះទោះធ្វើអ្វីក៏ដោយលោកអ្នកតោងមានការយកចិត្តទុកដាក់ ហើយប្រយ័ត្នការងារសំខាន់ៗបន្តិច ព្រោះថាបើមិនបានយកចិត្តទុកដាក់ឬគិតគូរទាន់ពេលវេលាទេនោះបញ្ហាអាក្រក់អាចនឹងលុកលុយយាយីទៀតជាក់ជាពុំខាន។
ជំនួញ ៖ ផលកម្រៃមានហូរចូលខ្លះៗគ្រាន់ផ្សើមបំពង់អញ្ចឹងដែរ តែយ៉ាងណាការធ្វើអ្វីមិនអាចលោភលន់បានទេព្រោះភាពស៊យក៏មានតាមជាប់មិនទៅណាឆ្ងាយនៅឡើយ។
ស្នេហា ៖ ចំពោះកំលោះក្រមុំកើតការរកាំចិត្តនិងមានភាពសៅហ្មងចំពោះគ្នាច្រើន៕
ឆ្នាំខាល
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកមិនគាប់ប្រសើរប៉ុន្មានទេ ដូចនេះគប្បីមានការប្រយ័ត្នប្រយែងព្រោះធ្វើអ្វីៗតែងងាយមានការភ្លាំងភ្លាត់ណាស់។ លោកអ្នកអាចត្រូវបានគេបន្ទោសឬបង្ករឿងអាក្រក់ណាមួយកើតឡើងផងដែរ។
ជំនួញ ៖ នៅថ្ងៃនេះលាភតូចធំពុំសូវមានសំបូរទេ ព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ។ ការធ្វើដំណើរទីជិតឆ្ងាយគួរមានការយកចិត្តទុកដាក់សុវត្តិភាពផ្ទាល់ខ្លួនបន្តិចទើបប្រសើរ។
ស្នេហា ៖ មានភាពប្រទាំងប្រទើសនិងប្រឆាំងគ្នាច្រើន៕
ឆ្នាំថោះ
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីតែងមានការចម្រើនលូតលាស់ទៅមុខ ហើយធ្វើអ្វីងាយស្រួលផង។ ក្រៅពីនេះផ្តល់ផលល្អសម្រាប់លោកអ្នកទំនាក់ទំនងឬចរចាអ្វីមួយ ពីព្រោះថាផលសម្រេចនោះក៏មានខ្ពស់ណាស់។
ជំនួញ ៖ ការជួញទីជិតឆ្ងាយពុំទាស់ខុសអ្វីទ្បើយពិសេសការចង់បើកហាងថ្មីឬផ្លាស់ប្តូរមុខរបរតែងហុចផលល្អៗមកវិញដូចសមប្រកបជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ មានភាពផ្អែមល្ហែមចាក់ទឹកមិនលិចប៉ុន្មានទេ៕
ឆ្នាំរោង
រាសីស្រុតចុះ។
ការងារ ៖ នៅថ្ងៃនេះដំណើរជីវិតមិនល្អប្រសើរទេពីព្រោះថារឿងរាវអាក្រក់មួយចំនួនតែងកើតឡើងជាងសព្វមួយដង។
ជំនួញ ៖ ចំពោះលោកអ្នកដែលចង់ពង្រីកមុខរបររកស៊ីជួញដូរពុំសូវទទួលផលប្រយោជន៍អ្វីឡើយ គឺបានត្រឹមមួយបង់កម្លាំងច្រើនជាង។ ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្នបន្តិចទើបប្រសើរ។
ស្នេហា ៖ កើតមានការរកាំរកូសព្រោះតែភាពប្រចែប្រច័ណ្ឌកំពុងលុកលុយ៕
ឆ្នាំម្សាញ់
រាសីខ្ពស់ត្រដែត។
ការងារ ៖ ក្នុងថ្ងៃនេះមានជោគសិរីល្អ ហើយបើលោកអ្នកចង់ដំណើរការកិច្ចការងារអ្វីតែងចម្រើនលូតលាស់និងទទួលផ្លែផ្កាមកវិញជានិច្ច។
ជំនួញ ៖ ជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ មានភាពផ្អែមល្ហែមប្រពៃណាស់៕
ឆ្នាំមមី
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកមានបញ្ហាឧបសគ្គខ្លះៗយាយីពិសេសធ្វើច្រើនអាចខុសច្រើនថែមទៀត ។ ការប្រកបការងារ នៅតែលូតលាស់សន្សឹមៗទៅមុខផងដែរ។
ជំនួញ ៖ មិនត្រូវយកភាពឈ្នានីសឬមាត់ឌឺដងដល់អ្នកដទៃឡើយ ព្រោះងាយកើតជម្លោះវិវាទណាស់ហើយស្រួលមិនស្រួលកើតរឿងរាវប្រកាប់ប្រចាក់គ្នាថែមទៀត។
ស្នេហា ៖ មានការរកាំចិត្តព្រោះតែម្នាក់ៗចិត្តខ្លាំងរៀងៗខ្លួន និងមិនសូវចេះអត់ឱនឱ្យគ្នាឡើយ៕
ឆ្នាំមមែ
រាសីខ្ពស់ត្រដែត។
ការងារ ៖ នៅថ្ងៃនេះលោកអ្នកធ្វើអ្វីដោយបើមានការត្រៀមបានល្អនោះឃើញថាផលជាផ្លែផ្កាតែងផ្តល់ឱ្យនៅពេលក្រោយវិញជាក់ជាពុំខាន។
ជំនួញ ៖ អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។
ស្នេហា ៖ កំលោះក្រមុំមានការជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕
ឆ្នាំវក
រាសីស្រុតចុះ។
ការងារ ៖ ក្នុងថ្ងៃនេះដែរដោយសារដួងរាសីដាំក្បាលចុះដូចនេះការប្រកបការងារអ្វីត្រូវប្រយ័ត្នប្រយែងបើពុំនោះពិតជាត្រូវរែកពន់ផលលំបាកនៅពេលក្រោយវិញជាក់ជាពុំខាន។
ជំនួញ ៖ ជំនួញទីជិតឆ្ងាយមិនទាន់ភ្លឺថ្លាប៉ុន្មានទេគឺអួអាប់ណាស់ហើយផលចំណូលនោះទៀតសោតក៏ជួបការលំបាកដូចនេះទាល់តែខិតខំខ្លាំងបន្តិចទើបអាចរកប្រាក់ចំណូលគ្រាន់ធូរចិត្តទៅរួច។
ស្នេហា ៖ ចូរប្រយ័ត្នជម្លោះវិវាទឈានដល់ការប្រេះស្រាំរហូតក្លាយជារឿងបែកបាក់៕
ឆ្នាំរកា
រាសីល្អជាមធ្យម។
ការងារ ៖ នាថ្ងៃនេះឃើញថាដំណើរជីវិតរបស់លោកអ្នកត្រឹមកម្រិតមធ្យម ហេតុនេះទោះធ្វើអ្វីៗតែងជឿនលឿនទៅមុខជាសន្សឹមៗជានិច្ច។
ជំនួញ ៖ ការរកផលចំណូលមិនត្រូវឱ្យអតិថិជនជំពាក់ប្រាក់ច្រើនទ្បើយប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរ ឯការសងមកវិញតឹងដូចអូសឬស្សីបញ្ច្រាសចុងហើយស្រួលមិនស្រួលកើតមានជម្លោះវិវាទគ្នាថែមទៀត។
ស្នេហា ៖ ចូរប្រយ័ត្នភាពប្រចែប្រច័ណ្ឌកើតជម្លោះវិវាទឈានដល់ការបែកបាក់៕
ឆ្នាំច
រាសីស្រុតចុះ។
ការងារ ៖ នៅថ្ងៃនេះការប្រកបការងារឃើញថាងាយកើតបញ្ហាចម្រូងចម្រាសបន្តិចហើយពិសេសធ្វើច្រើនបែរជាទទួលបានផលតិចថែមទៀត។
ជំនួញ ៖ ជួបបញ្ហាស្មុគស្មាញនិងពិសេសមិនត្រូវឱ្យអតិថិជនជំពាក់ប្រាក់កាសឡើយប្រយ័ត្នទារវិញមិនបានកើតជំលោះវិវាទថែមទៀត។ ការរស់នៅលោកអ្នកត្រូវប្រយ័ត្នទាំងក្រុមមនុស្សក្បែរខ្លួននិងពីចម្ងាយពីព្រោះបើគេធ្វើព្យុះភ្លៀងអ្វីមួយហើយពិតជាពិបាកទប់ទល់ពុំខានឡើយ។
ស្នេហា ៖ ពិសេសបុរសកុំចង់ទុំមុនស្រគាលប្រយ័ត្នជួបរឿងប្រុសប្រកែកស្រីប្រកាន់ស្រួលមិនស្រួលខូចកិត្តិយសហើយជាប់ទោសពៃរ៍ឥតអំពើ៕
ឆ្នាំកុរ
រាសីស្រុតចុះ។
ការងារ ៖ នៅថ្ងៃនេះទោះលោកអ្នធ្វើអ្វីក៏ដោយត្រូវចិត្តត្រជាក់នោះផ្លែផ្កាដែលទទួលបានមកវិញតែងសមដូចប្រកបផង។ ក្រៅពីនេះការនិយាយស្តីស្ត្រីមិនត្រូវមាត់តូចមាត់ធំឡើយបើពុំនោះក្រុមមនុស្សគេនឹងតបតមកវិញ ធ្វើឱ្យកើតជាបញ្ហាណាមួយដែលចាប់ផ្តើមពីតូចតាចអាចរីកជាធំផង។
ជំនួញ ៖ ប្រៀបដូចមានអ្វីមកទាញកន្ត្រាក់ទុកគឺមិនមានការរីកលូតលាស់ទៅមុខទេ គឺមានការធាក់ថយក្រោយឬនៅនឹងមួយកន្លែងតែម្តង។
ស្នេហា ៖ ជួនល្អជួនអាក្រក់ដោយសារម្នាក់ៗប្រកាន់ចិត្តខ្លាំងនិងមិនសូវចេះអត់ឱនឱ្យគ្នាប៉ុន្មានឡើយ៕