នេះជារឿងដ៏ចម្លែកថ្មីមួយ ខណៈដែលផ្ទះមួយកន្លែងនៅក្នុងប្រទេសវៀតណាម បានយកទូរស័ព្ទ iPhone ចាស់ៗ មកបិទភ្ជាប់ជុំវិញជញ្ជាំងរបងផ្ទះរបស់ពួកគេ ជំនួសឲ្យឥដ្ឋការ៉ូ ធ្វើឲ្យអ្នកដំណើរស្រឡាំងកាំងគ្រប់ៗគ្នាតែម្តង។
គណនី Twitter ឈ្មោះ FJ#STAYATHOME បានបង្ហោះវីដេអូ បង្ហាញផ្ទះជនបទមួយនៅវៀតណាម ដាក់បញ្ចូលទូរស័ព្ទ iPhone ចាស់ៗ ដើម្បីលម្អជញ្ជាំងផ្ទះរបស់ពួកគេ ដោយភ្ជាប់នឹង Caption ថា៖ «បែបនេះ សូម្បីលោក Steve Jobs ក៏នឹកមិនដល់ដែរ លោកព្រះ!!»។
នៅក្នុងវីដេអូ ពណ៌ទូរស័ព្ទ iPhone ផ្សេងៗ អាចត្រូវបានឃើញគ្រប់ដណ្តប់ទាំងស្រុង ទៅលើសសរដែលជាប់នឹងខ្លោងទ្វារផ្ទះ។ ទូរស័ព្ទទាំងនោះ ក៏ត្រូវបានគេដាក់ភ្ជាប់នឹងជញ្ជាំងរបង នៅក្នុងការរចនាដូចទៅនឹង mosaic ព័ទ្ធជុំវិញផ្ទះសាលារៀនមួយកន្លែង ស្ថិតនៅទល់មុខទន្លេ។
ទោះជាយ៉ាងណា គេពុំដឹងថា ម្ចាស់ផ្ទះដែលគំនិតច្នៃប្រឌិតដ៏ចម្លែកនេះ បានចំណាយលុយអស់ប៉ុន្មាននោះទេ ដើម្បីប្រមូលទិញទូរស័ព្ទ iPhone ចាស់ៗទាំងនេះ មកលម្អជញ្ជាំងរបងផ្ទះឲ្យប្លែកពីគ្នាអស់ទាស់បែបនេះ៕
ប្រែសម្រួល៖ លឹម ហុង (ប្រភព៖ worldofbuzz)
