ភ្នំពេញ៖ថ្មីៗនេះ មានការផ្ទុះការភ្ញាក់ផ្អើល និងហួសចិត្តយ៉ាងខ្លាំង ទៅនឹងរឿងរ៉ាវថ្មីមួយទៀតហើយ ខណៈដែលម្ចាស់ផ្ទះសំណាក់២កន្លែង បានបង្ហោះប្រកាសឲ្យម្ចាស់រថយន្ត Highlander ១គ្រឿង ប្រញាប់ចូលខ្លួនមកបង់លុយថ្លៃដេកផ្ទះសំណាក់ ព្រោះបន្ទាប់ពីឡើងឋានសួគ៌រួច បានដាក់មេប្រូចបាត់ស្រមោល ដោយភ្លេចគិតថាផ្ទះសំណាក់មានកាមេរ៉ាបំពាក់។
តាមរយៈទំព័រហ្វេសប៊ុកលោក ផែង វណ្ណៈ មួយម៉ោងមុននេះ (ថ្ងៃទី១១ ខែមិថុនា) បានបង្ហោះករណីខាងលើនេះឲ្យបងប្អូនក្នុងបណ្តាញសង្គមបានដឹងទាំងហួសចិត្តថា៖ «ម្ចាស់រថយន្ត Highlander ពណ៌ស្ក ពាក់ផ្លាកលេខ 2AT-5100 ភ្នំពេញ ត្រូវបានម្ចាស់ផ្ទះសំណាក់ យីហោ រ៉ែមាស បង្ហោះនៅលើបណ្ដាញសង្គម ហ្វេសប៊ុកថា ចូលដេកនៅផ្ទះសំណាក់របស់ខ្លួនរួចហើយមិនបង់លុយបើករថយន្តចេញទៅបាត់ ។ គណនី ហ្វេសប៊ុក ដដែលបានបន្ថែមថា ម្ចាស់រថយន្តខាងលើនេះ បានចូលដេកផ្ទះសំណាក់គេចំនួន ២កន្លែងហើយ គឺ មិនដែលអោយលុយទេ ដូចជាដេកនៅផ្ទះសំណាក់ ជ្រៃលាប ជាដើម ។
បើម្ចាស់រថយន្ដ Highlander បានឃើញហើយ ប្រញាប់យកលុយសងគេផង កុំលក់មុខលក់កិត្តិយសព្រោះ ៣ ម៉ោង ៨ ដុល្លារ» ៕ ដោយ៖ លឹម ហុង