ខេត្តស្វាយរៀង ៖ រថយន្តកុងតឺន័រមួយគ្រឿង ក្រឡាប់ផ្ងារជើងធ្លាក់ចិញ្ចើមថ្នល់ សង្ស័យថាអ្នកបើកបររថយន្តងងុយដេក រ៉េចង្កូតធ្លាក់ផ្លូវក្រឡាប់តែម្តងករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៤ជាងទៀបភ្លឺ ថ្ងៃទី១៣ ខែមិថុនា ឆ្នាំ២០២០ នៅលើផ្លូវជាតិលេខ១ ស្ថិតក្នុងភូមិ ជ្រៃធំ សង្កាត់ ព្រៃអង្គុញ ក្រុង បាវិត ខេត្តស្វាយរៀង។
សមត្ថកិច្ចបានឲ្យដឹងថា៖ នៅម៉ោង៤ជាងទៀបភ្លឺ មានរថយន្តមួយគ្រឿង បើកបរដោយបុរសម្នាក់មិនស្គាល់អត្តសញ្ញាណ បានក្រឡាប់ធ្លាក់ផ្លូវ ដោយសង្ស័យថាតៃកុងរថយន្តងងុយដេក ធ្វើដំណើរពីទិសដៅពីកើតទៅលិច បើករ៉េមកខាងឆ្វេងដៃ
លុះមកដល់ចំណុចខាងលើ ក៏ក្រឡាប់អូសប្រហែង៣០ម៉ែត្រ ផ្ងារជើងរថយន្តតែសំណាងល្អគ្មានបង្កគ្រោះ ដល់ពលរដ្ឋដំណើរតាមផ្លូវនោះ។
ក្រោយពីជួបគ្រោះថ្នាក់ចរាចរណ៍ គេឃើញអ្នកបើកបររថយន្តលូនចេញ ពីរថយន្តគេចខ្លួនពីកន្លែងកើតហេតុបាត់ ចំណែករថយន្តក៏មានអ្នកដោះយកផ្លាកលេខចេញបាត់ផងដែរ។
រថយន្តត្រូវបានខាងក្រុមហ៊ុន ហៅរថយន្តស្ទួចមកស្ទួចយកទៅជួសជុល ដោយខ្លួន ឯព្រោះពុំមានបង្កគ្រោះថ្នាក់មនុស្ស ឬទ្រព្យសម្បត្តិពលរដ្ឋណាម្នាក់ឡើយ៕
ដោយ៖ វ៉ៃកូ
