បុរសម្នាក់ត្រូវបានឃើញមានដាក់កំណាត់ឈើរាងដូចជាអំពៅ ចងភ្ជាប់ទៅនឹងខ្នងរបស់គាត់ ស្ថិតក្នុងស្ថានភាពអត់ពាក់អាវ កំពុងលុតជង្គង់នៅខាងមុខសយនដ្ឋានស្រីៗនៃសកលវិទ្យាល័យ Chongqing Industrial Polytechnic នៅក្នុងប្រទេសចិន ។
ករណីដ៏គួរឲ្យភ្ញាក់ផ្អើលនេះ មនុស្សជាច្រើនបានជឿថា សកម្មភាពរបស់គាត់បែបនេះ ធ្វើឡើងក្នុងគោលបំណងសុំការអភ័យទោស និងសម្តែងភាពស្មោះត្រង់ចំពោះមិត្តស្រីម្នាក់របស់គាត់ ។
ទោះយ៉ាងណា គេពុំដឹងថា មិត្តស្រីរបស់គាត់ចេញមកផ្តល់ការអភ័យទោសដល់គាត់ ឬ យ៉ាងណានោះទេ ។ ប៉ុន្តែ អ្នកលេងអ៊ីនធើរណេតជាច្រើន បានប្រតិកម្មខ្លាំងៗចំពោះសកម្មភាពដែលបុរសនេះបានធ្វើ ដោយនិយាយថា អ្វីដែលគាត់បានធ្វើបង្ហាញថា គាត់ «មិនមែនជាមនុស្សប្រុស» ។ តើអ្នកនឹងទទួលការសុំអភ័យទោសពីបុរសនេះទេ ប្រសិនបើអ្នកជាមិត្តស្រីរបស់គាត់ ? ៕ ចន្ទី