Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ស្ត្រី​ម្នាក់​បើក​ម៉ូតូ​ទៅធ្វើ​ការ បាន​ជួប​គ្រោះថ្នាក់​ចរាចរណ៍ ត្រូវ​រថយន្តបុក​ពីក្រោយ ស្លាប់ចោល​កូន​២​នាក់​(វីដេអូ)

spot_img

​ភ្នំពេញ​៖ ស្ត្រី​ម្នាក់​បាន​បែកក្បាល​ស្លាប់​ភ្លាមៗ​នៅនឹងកន្លែង​កើតហេតុ យ៉ាង​អាណោចអាធ័ម បន្ទាប់ពី​បាន​ជិះ​ម៉ូតូ​មួយគ្រឿង ចេញពីផ្ទះ​ទៅធ្វើ​ការ ត្រូវ​រថយន្ត​ហ៊ីយ៉ាន់ដាយ​បុក​ពីក្រោយ​ពេញទំហឹង កាលពី​វេលា​ម៉ោង ៧​និង ថ្ងៃទី​៤៥​នាទី​ព្រឹក ថ្ងៃទី​៦ ខែកក្កដា ឆ្នាំ ២០២០ នៅ​ចំណុច​មុខ​ស្តុ​ប​ចំការ​ដូង តាម​បណ្ដោយ​ផ្លូវ​លេខ​២១៧ ក្នុង​សង្កាត់​ដង្កោ ខណ្ឌដង្កោ រាជធានី​ភ្នំពេញ​។​

​សព​ជនរងគ្រោះ​មានឈ្មោះ​ទ្រឹ​ម សីហា អាយុ​៣៧​ឆ្នាំ មានមុខ​របរ កម្មការិនី​កាត់ដេរ​រោងចក្រ ស្នាក់នៅ​បុរី​កម្មករ សង្កាត់​ជើងឯក ខណ្ឌដង្កោ រាជធានី​ភ្នំពេញ ជា​អ្នកបើក​ម៉ូតូ​ត្រូវបាន​ស្លាប់​។​

​យោងតាម​ការរៀបរាប់​ពី​បុរស​ម្នាក់ ដែលជា​អ្នកបើកបរ​រថយន្ត​វិញ ត្រូវ​បុក​ម៉ូតូ​ជនរងគ្រោះ បាន​ប្រាប់​ឲ្យ​ដឹងថា មុន​កើតហេតុ​រូបគាត់​ទើប​បើករថយន្ត មកពី​ឯ​ខេត្តស្វាយរៀង លុះ​មកដល់​កន្លែងកើតហេតុ បាន​បើក​បុក​ជនរងគ្រោះ ដែល​កំពុង​ជិះ​ម៉ូតូ​មួយគ្រឿង ម៉ាក​ហុងដា​ឌ្រី​ម​សង់ ពណ៌​ខ្មៅ ពាក់​ផ្លាកលេខ ភ្នំពេញ 1DH-3064 បាន​ឈប់​នៅ​ស្តុ​ប​ចំការ​ដូង ហើយ​រថយន្តបុក​ពីក្រោយ បណ្តាល​ឲ្យ​ស្លាប់​ភ្លាមៗ អូស​ចម្ងាយ​ជាង​១០​មែត្រ ពិតប្រាកដ​មែន​។​

​អ្នកបើកបរ​រថយន្ត ត្រូវបាន​សមត្ថកិច្ច​ឃាត់ខ្លួន​បាន​ភ្លាមៗ យកមក​សាកសួរ​នៅ​ប៉ុស្តិ៍នគរបាល​រដ្ឋបាល រួចមក​ប្រគល់ជូន​អ្នកបើករថយន្ត បន្ត​នៅ​ស្នងការដ្ឋាន​នគរបាល​រាជធានី​ភ្នំពេញ​។​

​ក្រោយ​កើតហេតុ​សមត្ថកិច្ច​មូល​ដ្ឋា​ន បាន​ចុះ​មកដល់ បាន​ទំនាក់ទំនង ទៅ​សមត្ថកិច្ច​ជំនាញ យក​ម៉ូតូ និង​រថយន្ត ប្រគល់ជូន​ផ្នែក​ជំនាញ​ចរាចរណ៍​ក្រុង ចាត់ការ​តាមផ្លូវ​ច្បាប់​
​ចំណែកឯ​សព​ជនរងគ្រោះ សមត្ថកិច្ច​ធ្វើ​កំណត់ហេតុ ប្រគល់ជូន​សាច់ញាតិ យកទៅ​ស្រុកកំណើត​ធ្វើបុណ្យ តាម​ប្រពៃណី​ផ្ទះ​ជនរងគ្រោះ​៕​ដោយ​៖​ផាន់​ណា​


spot_img
×