មនុស្សយ៉ាងហោចណាស់ ៣នាក់បានស្លាប់ និង ២នាក់ទៀតរងរបួស នៅពេលឧទ្ធម្ភាចក្រមួយគ្រឿង បានធ្លាប់បុកផ្ទះមួយខ្នង នៅតំបន់ Newport Beach ក្នុងរដ្ឋកាលីហ្វ័រញ៉ា សហរដ្ឋអាមេរិច។ នេះបើតាមការចេញផ្សាយរបស់ភ្នាក់ងារសារព៌តមានចិន Xinhua។
ប៉ូលិសប្រចាំតំបន់ Newport Beach បានបញ្ជាក់ថា មនុស្ស ៥នាក់ស្ថិតក្នុងហេតុការណ៏នោះ ដោយមាន ៤នាក់ស្ថិតក្នុងយន្តហោះ និងម្នាក់ទៀតជាអ្នកកំពុងនៅក្បែរកន្លែងកើតហេតុ។
ប៉ូលីសនិយាយថា មិនមាននរណាម្នាក់នៅក្នុងផ្ទះទេ នៅពេលយន្តហោះធ្លាក់បុកនោះ។
សាក្សីម្នាក់បានថ្លែងថា គាត់បានឃើញឧទ្ធម្ភាចក្រនោះធ្លាក់ដូចដំថ្មអញ្ជឹង។
ឧទ្ធម្ភាចក្រដែលមាន ៤កៅអីនោះ ជារបស់ក្រុមហ៊ុនអាកាសចរណ៏ Revolution Aviation៕ សុភ័ក្ត្រ
