ភ្នំពេញ៖ បុរសម្នាក់បានបើករថយន្តដឹកទឹកមិនប្រយ័ត្នជ្រុលទៅបុករថយន្តដឹកឥដ្ឋបណ្តោលឲ្យរងការខូចខាតផ្នែកខាងមុខ ដែលហេតុការណ៍នេះបានកើតទ្បើងនៅវេលាម៉ោង11និង20នាទី ថ្ងែទី២៧ ខែកក្កដា ឆ្នាំ២០២០ ទល់នឹងមុខវត្តឫស្សីសាញ់ ស្ថិតនៅក្នងភូមិរកា សង្តាត់ព្រៃស ខណ្ឌដង្កោ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុ គេបានឃើញរថយន្តដឹកឥដ្ឋ ម៉ាកហ៊ីយាន់ដាយ ពណ៌ស ពាក់ផ្លាកលេខ ភ្នំពេញ3B9432 បានបើកតាមបណ្តោយផ្លូវ៥០ម៉ែត្រ ក្នុងទិសដៅពីជើងទៅត្បូង មកដល់ចំណុចមុខវត្តឫស្សីសាញ់ ក៏ឃើញរថយន្តដឹកទឹកមួយគ្រឿងបានបត់មិនប្រយ័ត្នក៏ជ្រុលទៅបុករថយន្តដឹកឥដ្ឋ បណ្តោលឲ្យរងការខូចខាតផ្នែកខាងមុខរថយន្តដឹកទឹកធុនធំមួយគ្រឿង ម៉ាកហ៊ីយាន់ដាយ ពណ៌ក្រហម ពាក់ផ្លាកលេខ AT20 3-0590 បានបើកចេញពីវត្តឫស្សីសាញ់បានបត់ពីផ្លូវ៥០ម៉ែត្រ ក្នុងទិសដៅស្របគ្នា ក៏ជ្រុលទៅបុករថយន្តដឹកឥដ្ឋរងការខូចខាតផ្នែកចំហៀងរថយន្ត។
ក្រោយកើតហេតុ សមត្ថកិច្ចខណ្ឌដង្កោក៏បានមកដល់កន្លែង បានឲ្យភាគីទាំងសង់ខាង
សម្រួលគ្នា ហើយរថយន្តដឹកទឹកបានចេញថ្លៃការខូចខាតទៅលើរថយន្តដឹកឥដ្ឋ ដើម្បីបញ្ចប់រឿងតែម្តង៕ ដោយ៖ផាន់ណា មីដា
