បន្ទាយមានជ័យ ៖ ការ៉ាសសាំងសូគីមិច១កន្លែង ស្ថិតជាប់របងមន្ទីរពេទ្យបង្អែកក្រុងសិរីសោភ័ណ ការិយាល័យសុខាភិបាលស្រុកប្រតិបត្ត ក្រុងសិរីសោភ័ណ ខេត្តបន្ទាយមានជ័យ ក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដែលម្ចាស់ស្ថានីយ៍ប្រេងឥន្ទនៈនេះគិតតែផលចំណេញមិនគិតពីហានិភ័យដែលនឹងកើតមានដល់ប្រជាពលរដ្ឋ ថែមដាក់ស៊ីទែនហ្គាស១ទៀតចំកណ្ដាលទីប្រជុំជនយ៉ាងសង្ហារបណ្តាលឲ្យប្រជាពលរដ្ឋរស់នៅជុំវិញកន្លែងការ៉ាសសាំង និងហ្គាសនោះកំពុងត្រូវប្រឈមដោយមានការភិតភ័យ នឹងហ្គាស់នេះបន្ថែមទៀត បើសិនថ្ងៃណាមួយស៊ីទែនហ្គាសនេះកើតមានហានិភ័យផ្ទុះឆាបឆេះ ននិងមានប្រជាពលរដ្ឋជាច្រើនត្រូវរងគ្រោះ។
បើតាមការអះអាងរបស់លោក អ៊ឹង អៀង រដ្ឋលេខាធិការក្រសួងរ៉ែ និងថាមពលបានមានប្រសាសន៍លើកឡើងក្នុងសិក្ខាសាលា ផ្សព្វផ្សាយច្បាប់ស្តីពីហានិភ័យស្ថានីយ៍ និងសារាចរណ៍សុវត្ថិភាព សម្រាប់ការរៀបចំ ស្ថានីយ៍ប្រេង និងឧស្ម័នថាច្បាប់អំពីហានិភ័យដែលអាចកើតមានឡើង និងអំពីបែបបទនីតិវិធីក៏ដូចជាបច្ចេកទេសសុវត្ថិភាពក្នុងការគ្រប់គ្រង និងប្រកបអាជីវកម្មដល់ម្ចាស់ស្ថានីយ អ្នកសាងសង់ស្ថានីយយល់ច្បាស់អំពីតួនាទីភារកិច្ច និងនីតិវិធីនានាដើម្បីមានភាពងាយស្រួល និងការបម្រើសេវាសាធារណៈជូនដល់ប្រជាពលរដ្ឋក៏ដូចជាការចុះត្រួតពិនិត្យ និងធ្វើអធិការកិច្ចប្រកបដោយប្រសិទ្ធភាព តម្លាភាព ស្របតាមច្បាប់ និងលិខិតបទដ្ឋានគតិយុត្តពាក់ព័ន្ធនានាជាធរមាន ដែលក្នុងសិក្ខាសាលានោះ លោក អ៊ឹង អៀង ក៏បានប្រាប់ឲ្យដឹងបន្តទៀតថា ៖ ដើម្បីកាត់បន្ថយហានិភ័យក្នុងការប្រើប្រាស់ហ្គាស បង្កើននូវសុវត្ថិភាពដល់ហានិភ័យម្ចាស់ការ៉ាស ត្រូវប្រុងប្រយ័ត្នឲ្យបានខ្ពស់ជានិច្ច ២៤ម៉ោងលើ ២៤ម៉ោង ព្រោះហ្គាសវាងាយឆេះ និងងាយផ្ទុះបូករួមនឹងសំណង់ផ្ទះ ក៏ដូចជាអគារក្នុងក្រុងសិរីសោភ័ណនៅជាប់ៗគ្នា រីឯស្ដង់ដារសាងសង់ផ្ទះ និងអគារមួយចំនួនក៏មិនបានគោរពតាមបទដ្ឋានបច្ចេកទេសឲ្យបានត្រឹមត្រូវ បណ្ដាលឲ្យកើតមានហានិភ័យគំរាមគំហែងដល់អាយុជីវិត និងទ្រព្យសម្បត្តិប្រជាជនយ៉ាងខ្លាំង។
លោកបានបន្តឲ្យដឹងទៀតថា បើយើងធ្វើការប្រៀបធៀប ហ្គាស និងប្រេងកាតយើងសង្កេតឃើញថាហ្គាសមានចំណុចចំហេះខ្ពស់ ដែលធ្វេីឲ្យវាងាយផ្ទុះ និងឆេះ មិនតែប៉ុណ្ណោះមានលក្ខណៈស្រាលជាងខ្យល់និងងាយហើរ ដែលជាហេតុធ្វើឲ្យកំហាប់ងាយកើនដល់កំរិតផ្ទុះ ដូច្នេះដើម្បីសុវត្ថិភាពរបស់ប្រជាពលរដ្ឋជិតខាង សូមមន្ត្រីជំនាញនិងសមត្ថកិច្ចពាក់ព័ន្ធមេត្តាចុះទៅពិនិត្យឡើងវិញនៅការ៉ាសសាំងសូគីមិច និងធុងហ្គាសមួយនេះដែលទើបដាក់នោះមិនដឹងជាដាក់ត្រឹមត្រូវតាមលក្ខណៈបច្ចេកទេសឬយ៉ាងណានោះទេ៕ ដោយ៖បញ្ញាស័ក្តិ
