ភ្នំពេញ ៖ យុវជនម្នាក់បានរងរបួសធ្ងន់ បន្ទាប់ពីជិះម៉ូតូក្នុងល្បឿនលឿនមិនប្រយ័ត្នបានជ្រុលទៅបុកចំហៀងខាងមុខរថយន្ត បម្រុងនឹងបត់បណ្តាលឲ្យចូលម៉ូតូក្រោមរថយន្ត។
ហេតុការណ៍នេះដែរកើតឡើងនៅវេលាម៉ោង ១១ និង ១៥ នាទីយប់ថ្ងៃពុធទី១៩ ខែសីហា ឆ្នាំ ២០២០ នៅតាមបណ្តោយផ្លូវ សហពន្ធរុស្ស៊ី សង្កាត់អូបែកក្អម ខណ្ឌសែនសុខ រាជធានីភ្នពេញ។
បើយោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ
គេបានឃើញបុរសជនជាតិចិន បើករថយន្តម៉ាកអូឌី ពណ៌ខ្មៅមួយគ្រឿង ដែលពាក់ផ្លាកលេខភ្នំពេញ 2AK 6966 ធ្វើដំណើរក្នុងទិសដៅពីលិចមកកើតក្នុងល្បឿនមធ្យម ស្រាប់តែមកដល់ជិតចំណុចកើតហេតុ ស្រាប់តែគេឃើញយុវជនម្នាក់ទៀត ជិះម៉ូតូម៉ាក MSX ពណ៌ក្រហមអត់ផ្លាកលេខ ធ្វើដំណើរពីខាងក្រោយរថយន្ត ស្របទិសគ្នា ក្នុងទិសដៅពីលិចមកកើតក្នុងល្បឿនលឿន ស្រាប់តែមកដល់ចំណុចកើតហេតុ ត្រូវបានរថយន្តបួងចង្កូតបត់លឿនមិនស៊ីញ្ញូក៏ត្រូវម៉ូតូបុកចំពីចំហៀងខាងមុខ រថយន្តពេញទំហឹងបណ្តាលឲ្យម៉ូតូខ្ទាតចូលក្រោមរថយន្ត រីឯមនុស្សរងរបួសធ្ងន់បញ្ជូនយកទៅសង្គ្រោះបន្ទាន់។
ក្រោយពេលកើតហេតុសមត្ថកិច្ចមូលដ្ឋាន ចុះមកដល់ហើយបានទាក់ទងទៅខាងចរាចរណ៍ក្រុង ឲ្យចុះមកវាស់វែង និងធ្វើកំណត់ហេតុយករថយន្ត និងម៉ូតូទៅរក្សាទុករង់ចាំដោះស្រាយនៅពេលក្រោយ៕ដោយ៖ សា មេត
