ភ្នំពេញ ៖យោងតាមរបាយការណ៍របស់អគ្គស្នងការដ្ឋាននគរបាលជាតិ បានឲ្យដឹងថា មនុស្ស១៨នាក់ស្លាប់ និងរងរបួសធ្ងន់ស្រាលចំនួន៥៩នាក់ នៅក្នុងគ្រោះថ្នាក់ចរាចរណ៍រយៈពេល ៤ថ្ងៃ នៃថ្ងៃឈប់សម្រាក គឺចាប់ពីថ្ងៃទី១៧ ដល់ថ្ងៃទី២០ ខែសីហា ឆ្នាំ២០២០។
បើយោងតាមរបាយការណ៍របស់អគ្គស្នងការដ្ឋាននគរបាលជាតិ ដែលបានចេញ នារសៀលថ្ងៃទី២០ ខែសីហានេះ បានឲ្យដឹងថា នៅក្នុងរយៈពេលបួនថ្ងៃ គឺ នៅថ្ងៃទី១៧ ខែសីហា គ្រោះថ្នាក់ចរាចរណ៍ បានកើតលើកចំនួន ១២លើក ស្លាប់មនុស្សចំនួន ៦នាក់ និងរបួសចំនួន ១២នាក់។ នៅថ្ងៃទី១៨ ខែសីហា គ្រោះថ្នាក់ចរាចរណ៍បានកើតលើកចំនួន៩លើក ស្លាប់មនុស្សចំនួន ៣នាក់ និងរបួសចំនួន ១៤នាក់។ នៅថ្ងៃទី១៩ ខែសីហា គ្រោះថ្នាក់ចរាចរណ៍ បានកើតលើកចំនួន ១១លើក ស្លាប់មនុស្សចំនួន ៥នាក់ និងរបួសចំនួន ១៤នាក់ និងថ្ងៃទី២០ ខែសីហា ដែលជាថ្ងៃចុងក្រោយនៃការឈប់សម្រាក គ្រោះថ្នាក់ចរាចរណ៍បានកើតលើកចំនួន១១លើក ស្លាប់មនុស្សចំនួន ៤នាក់ និងរបួសចំនួន ១៩នាក់។
គ្រោះថ្នាក់ចរាចរណ៍ដែលបានកើតឡើង គឺមាននៅរាជធានីភ្នំពេញ ខេត្តបាត់ដំបង ខេត្តកណ្តាល ខេត្តតាកែវ ខេត្តឧត្តរមានជ័យ ខេត្តព្រះវិហារ ខេត្តពោធិ៍សាត់ ខេត្តស្វាយរៀង ខេត្តកំពង់ស្ពឺ៕
ដោយ៖កូឡាប
