ក្រុមហ៊ុន Walmart បាននិយាយថា ខ្លួននឹងចាប់ដៃគូជាមួយនឹងក្រុមហ៊ុន Microsoft ដើម្បីដេញថ្លៃយកប្រតិបត្តិការរបស់ TikTok នៅអាមេរិច។
ក្រុមហ៊ុនដ៏ធំនេះនិយាយថា ខ្លួនគិតថាកិច្ចព្រមព្រៀងជាមួយនឹងកម្មវិធី TikTok នឹងជួយពង្រីកប្រតិបត្តិការរបស់ខ្លួន។
TikTok ត្រូវបានទុកពេលឲ្យរយៈពេល ៩០ថ្ងៃដើម្បីលក់ប្រតិបត្តិរបស់ខ្លួនទៅឲ្យក្រុមហ៊ុនអាមេរិច បើមិនដូច្នេះទេ នឹងត្រូវមានការហាមឃាត់នៅអាមេរិច។ ប្រធានាធិបតីអាមេរិច ដូណាល់ ត្រាំបានធ្វើការចោទប្រកាន់ថា TikTok ចែករំលែកព័ត៌មានអ្នកប្រើប្រាស់ទៅឲ្យរដ្ឋាភិបាលចិន ប៉ុន្តែត្រូវបានក្រុមហ៊ុនមេបដិសេធ។
បើតាមសេចក្តីរាយការ ប្រតិបត្តិការរបស់ TikTok នៅអាមេរិចអាចមានតម្លៃច្រើនដល់ ៣០ពាន់លានដុល្លារ ប្រសិនជាមានការសម្រេចកិច្ចព្រមព្រៀង។
សូមរំលឹកថា កម្មវិធី TikTok ត្រូវបានដាក់ឲ្យដំណើរការទូទាំងពិភពលោកកាលពីចុងឆ្នាំ ២០១៨ ប៉ុន្តែប្រជាប្រិយភាពរបស់កម្មវិធីនេះរីកសុសសាយយ៉ាងលឿនមិនគួរឲ្យជឿ ជាពិសេសមានប្រជាប្រិយភាពក្នុងចំណោមយុវវ័យ។
បច្ចុប្បន្ន កម្មវិធីចែករំលែកវីដេអូខ្លីនេះ មានអ្នកប្រើប្រាស់សកម្មជាង ៨០០លាននាក់៕
ប្រែសម្រួល៖ សុភ័ក្រ
ប្រភព៖ BBC
