វីដេអូថ្មីមួយ ដែលបានបង្ហាញឲ្យឃើញរថយន្ត Pickup ១គ្រឿង ចតទទឹងទិសកណ្តាលផ្លូវ ដែលជាហេតុនាំឲ្យរថយន្តធ្វើដំណើរបញ្ច្រាសមិនអាចបើករួច និងសូម្បីតែរថយន្តធ្វើដំណើរស្របទិស នាំគ្នាបើកចៀសទាំងក្តៅក្រហាយ បានបង្កឲ្យផ្ទុះការរិះគន់យ៉ាងចាស់ៗដៃ ជាមួយពាក្យពេចន៍អាក្រក់ៗតែម្តង។
បើតាមម្ចាស់វីដេអូឃ្លីបដែលបានឃើញហេតុការណ៍នេះផ្ទាល់ បាននិយាយឲ្យដឹងថា «ផ្លូវប៉ុនណាណី គាត់អត់អែបខាងទេ សុខចិត្តពន្លត់ឡានកណ្តាលផ្លូវ ចុះដើរទៅផ្ទះធ្វើមិនដឹង។ អស្ចារ្យណាស់ អ្នកមានឡានល្អបើក ហើយអាសូរតែក្មេងលោកអើយ ចាស់អាយុជាង៦០ហើយហ្នឹង…»។
ក្រោយពីបានឃើញបែបនេះ អ្នកប្រើប្រាស់បណ្តាញសង្គមបាននាំគ្នារិះគន់ដាក់ឲ្យយ៉ាងធ្ងន់ៗថា៖ «ឡានថ្លៃតែម្ចាស់ចរិតថោក ចាស់ភ្លាវ, មានឡានជិះចរិតថោកទៀត ម៉ាអាថោក បានបុកកម្ទេចចោលតើបានសមមុខវា, មនុស្សឬក៏សត្វឡានហ្នឹង?, មនុស្សចាស់ក្បាលរឹង ពិបាកណែនាំ,….»៕ ដោយ៖ លឹម ហុង
