ខេត្តរតនគិរី៖ បុរសវ័យចំណាស់ម្នាក់ បានស្លាប់ភ្លាមៗនៅកណ្តាលផ្លូវ បន្ទាប់ពីដើរលើដងផ្លូវត្រូវរថយន្តមួយគ្រឿងបុក កាលពីវេលាម៉ោង១៨និង៣០នាទីថ្ងៃទី៤ ខែកញ្ញា ឆ្នាំ២០២០ នៅត្រង់ចំណុចមុខស្រាបៀរអង្គរ(ចាស់) ស្ថិតនៅភូមិសីល សង្កាត់យក្សឡោម ក្រុងបានលុង ខេត្តរតនគិរី។
មន្ត្រីនគរបាលបានបញ្ជាក់ថា ជនរងគ្រោះឈ្មោះ ជា នីន អាយុ៤៣ឆ្នាំជនជាតិទំពួន មានទីលំនៅភូមិឡាប៉ូ សង្កាត់យក្សឡោម ក្រុងបានលុង ខេត្តរតនគិរី មុខរបរកសិករ ស្លាប់នៅនឹងកន្លែង។
រថយន្តបង្កមិនស្គាល់ម៉ាក ក្រោយពេលកើតហេតុភ្លាមៗ បានបើករត់គេចបាត់ស្រមោលតែម្តង ប៉ុន្តែសមត្ថកិច្ចជំនាញកំពុងតាមស្រាវជ្រាវ រករថយន្តបង្កហេតុមកឲ្យទទួលខុសត្រូវចំពោះមុខច្បាប់។
សពជនរងគ្រោះ ត្រូវសមត្ថកិច្ចជំនាញចរាចរណ៍ខេត្ត បានប្រគល់ជូនក្រុមគ្រួសារយកទៅធ្វើបុណ្យ៕ដោយ៖សុខុម
