បច្ចុប្បន្ននេះ បញ្ហាអសន្តិសុខ ជាពិសេសអំពើចោរកម្មផ្សេងៗ ដែលក្នុងនោះដូចជាករណីឆក់ជាដើម គេកត់សម្គាល់ឃើញថាបានកើតឡើងជារឿយៗ ដែលធ្វើឲ្យបងប្អូនប្រជាពលរដ្ឋមានការព្រួយបារម្ភពីសុវត្ថិភាពជាខ្លាំងដែលថាសឹងតែមិនចង់ហ៊ានចេញក្រៅផ្ទះនោះទេ ព្រោះថា ស្រួលមិនស្រួលៗអាចប៉ះពាល់ដល់អាយុជីវិតនៅលើដងផ្លូវទៀតផង។
ជាក់ស្តែង ថ្មីៗនេះ ចោរស្រីម្នាក់ត្រូវបានសាច់ញាតិជនរងគ្រោះ ចាប់បានមុខយ៉ាងច្បាស់ៗ នៅក្នុងកាមេរ៉ាសុវត្ថិភាពបន្ទាប់ពីចោរស្រីរូបនេះឆក់ខ្សែកក្មួយស្រីរបស់ខ្លួន នៅក្នុងផ្សារមួយកន្លែង នៅក្នុងស្រុកព្រៃកប្បាស់ ខេត្តតាកែវ។
នេះបើយោងតាមគណនីហ្វេសប៊ុកឈ្មោះ មន រ៉ូស៊ិនដា បានបង្ហោះឲ្យដឹងថា៖ «បងប្អូនមកមើលមុខមីចោរឆក់ខ្សែករក្មួយខ្ញុំនៅក្នុងផ្សារសៃវ៉ា សូមប្រុងប្រយ័ត្នទាំងអស់គ្នា បើបងប្អូនណាឃើញជួយទាក់ទងទៅកាន់ប៉ូលិសផង»៕ ដោយ៖ លឹម ហុង
