ភ្នំពេញ ៖ បុរសម្នាក់បើករថយន្តមួយគ្រឿង ច្រឡំផ្លូវបណ្ដាលឲ្យធ្លាក់ចូលវាលស្រែ ក្រឡាប់ផ្ងារជើងឡើងលើអូសជាច្រើនម៉ែត្រ។ ហេតុការណ៍កើតឡើងនៅវេលា ម៉ោង១១និង៣០នាទីយប់ថ្ងៃចន្ទ ទី៧ ខែកញ្ញា ឆ្នាំ២០២០។
ស្ថិតតាមបណ្ដោយផ្លូវ៣០ម៉ែត្រ ចំណុចមុខវត្តធម្មត្រៃយ៍ ក្នុងសង្កាត់ព្រៃស ខណ្ឌដង្កោ រាជធានីភ្នំពេញ។
តាមប្រភពបានឲ្យដឹងថា មុនពេលកើតហេតុគេឃើញបុរស ម្នាក់បើករថយន្តកូរ៉ូឡា ពណ៌ស ពាក់ផ្លាកលេខភ្នំពេញ2A 6228 ធ្វើដំណើរតាមបណ្តោយផ្លូវ៣០ម៉ែត្រ ក្នុងទិសដៅពីលិចទៅកើតក្នុងល្បឿនលឿនដូចហោះ ខណៈមកដល់ចំណុចកើតហេតុខាងលើ បានហោះធ្លាក់ផ្លូវក្រឡាប់ផ្ងារជើងឡើង លើអូសជាច្រើនម៉ែត្រ បណ្ដាលឲ្យតៃកុងជាប់ក្នុងកាបីន រងរបួសធ្ងន់ ត្រូវបានប្រជាពរដ្ឋ និងសមត្ថកិច្ចជួយគាស់ចេញពីរថយន្ត ដឹកយកទៅសង្គ្រោះភ្លាមៗ។
ក្រោយកើតហេតុសមត្ថកិច្ចមូលដ្ឋាន បានមកកន្លែងកើតហេតុ ដោយមិនបះពាល់សម្បត្តិរដ្ឋ បានឲ្យសាច់ញាតិ រករថយន្តស្ទូចទៅជួសជុលដោយខ្លួនឯង៕ ដោយ៖សា មេត
