ខេត្តក្រចេះ ៖ គ្រោះថ្នាក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ ៧ ទល់មុខវត្តស្រែស្បូវ ឃុំក្បាលដំរី ស្រុកសំបូរ ខេត្តក្រចេះ វេលាម៉ោងជាង ៧ យប់ថ្ងៃទី១២ ខែកញ្ញា ឆ្នាំ ២០២០។
គ្រោះថ្នាក់ចរាចរណ៍រវាងរថយន្តនិងម៉ូតូ បណ្ដាលឲ្យអ្នកធ្វើដំណើរស្លាប់ម្នាក់ ឈ្មោះ ស៊ីណេត ភេទប្រុស អាយុ ២០ ឆ្នាំ រស់នៅភូមិថ្មអណ្ដើក ស្រុកក្រចេះ ខេត្តក្រចេះ និងរងរបួស៣នាក់ កំពុងតែបញ្ជូនទៅសង្គ្រោះបន្ទាន់នៅឯមន្ទីរពេទ្យ។
គ្រោះថ្នាក់រវាងរថយន្តចំនួន៣គ្រឿង បុកគ្នាជាមួយម៉ូតូចំនួន២គ្រឿង ទី១ រថយន្ដ ម៉ាក់ឡិចស៊ីស៣០០ ពាក់ផ្លាកលេខ ភ្នំពេញ 2AQ.5928 ទី២ រថយន្តសាំយ៉ុងពាក់ផ្លាកលេខ ភ្នំពេញ 2Z.2061 ទី៣ ម៉ូតូម៉ាក សង់ឌ្រីមពាក់ផ្លាកលេខ ក្រចេះ 1C.2294 ទី៤ ម៉ូតូម៉ាកសេរ៉ូសអត់មានផ្លាកលេខ ចំណែករថយន្តមួយទៀត បើករត់គេចខ្លួនបាត់៕ ដោយ៖សុខុម
