ក្រចេះ៖ កម្លាំងអាវុធហត្ថស្នាក់ការសន្តិសុខ៧១០ សហការជាមួយកម្លាំងស្នាក់ការសន្តិសុខ៧០៨ និងមន្ត្រីរដ្ឋបាលព្រៃឈើអូរគ្រៀង នគរបាលសេដ្ឋកិច្ចខេត្តក្រចេះ បានចុះបង្ក្រាបបទល្មើសធនធានធម្មជាតិ(ព្រៃឈើ) នៅចំណុចស្ថិតក្នុងភូមិអូរគ្រៀង ឃុំអូរគ្រៀង ស្រុកសំបូរ ខេត្តក្រចេះកាលពីរសៀលថ្ងៃទី ២២ ខែកញ្ញា ឆ្នាំ ២០២០។
សមត្ថកិច្ចចម្រុះឃាត់បានរថយន្តដឹកឈើមួយមួយគ្រឿង ម៉ាកសាំយ៉ុងពណ៌ទឹកប្រាក់ពាក់ផ្លាកលេខភ្នំពេញ 2N 6951 (អ្នកបើកបររត់គេចខ្លួនបាត់) ករណីនេះរឹបអូសបានឈើប្រណិតជាច្រើនសន្លឹកនៅក្នុងរថយន្តរួមមាន ១.ឈើបេងប្រណិតចំនួន ១៥០សន្លឹកស្មើ០,១៥៨ម៉ែត្រត្រីគុណ ២.សុក្រំបូកផ្ចឹកឈើលេខមួយ១៣៥សន្លឹកស្មើ០,៦៤០ម៉ែត្រត្រីគុណ សរុបទាំងអស់ស្មើ២៨៥សន្លឹកស្មើ០,៧៩៨ម៉ែត្រត្រីគុណ។
បច្ចុប្បន្នវត្ថុតាងរថយន្ត និងឈើទាំងអស់បានយកទៅរក្សាទុក នៅក្នុងសង្កាត់រដ្ឋបាលព្រៃឈើអូរគ្រៀង៕ដោយ៖សុខុម
