ភ្នំពេញ៖ លំនៅដ្ឋានមួយកន្លែង ត្រូវបានអគ្គិភ័យឆាបឆេះទាំងថ្ងែត្រង់បង្កភ្ញាក់ផ្អើលកាលពីវេលាម៉ោង១២និង៤០នាទីថ្ងៃ ថ្ងៃទី២៥ខែកញ្ញា ឆ្នាំ២០២០ ចំណុចផ្លូវជាតិលេខ២ ផ្ទះលេខ១៩៥ ក្នុងបុរីពិភពថ្មីចំការដូង១ ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។
ក្នុងហេតុការណ៍អគ្គិភ័យឆេះផ្ទះប្រជាពលរដ្ឋខាងលើខូចខាតសម្ភារផ្ទះទាំងស្រុង ចំពោះមូលហេតុគឺបណ្តាលមកពីឆ្លងចរន្តអគ្គិសនី រាលដាលឲ្យឆេះផ្ទះ។
ក្នុងហេតុការណ៍ខាងលើសមត្ថកិច្ចប្រើប្រាស់រថយន្តពន្លត់អគ្គិភ័យ របស់សាលាខណ្ឌដង្កោនិងរថយន្តរបស់ស្រាបៀរកម្ពុជា អស់ចំនួន3គ្រឿង បំពង់ពន្លត់អគ្គិភ័យចំនួន ០២បំពង់ ។
គ្រោះអគ្គិភ័យខាងលើនេះមិនបណ្តាលឲ្យរងគ្រោះថ្នាក់ដល់ប្រជាពលរដ្ឋទេ និង មិនប៉ះពាល់ដល់ផ្ទះអ្នកជិតខាងឡើង និងបានរលត់នៅវេលាម៉ោង១និង៥០នាទី ៕ដោយ៖មីដា ផាន់ណា
