ធនាគារពិភពលោកបាននិយាយថាខ្លួនបានស្នើទៅក្រុមប្រឹក្សាភិបាលរបស់ខ្លួន ដើម្បីអនុម័តថវិកាចំនួន ១២ ពាន់លានដុល្លារអាមេរិកដើម្បីជួយប្រទេសក្រីក្រទិញនិងចែកចាយវ៉ាក់សាំងប្រឆាំងនឹងកូវីដ១៩។ធនាគារបានអនុវត្តកម្មវិធីឆ្លើយតបបន្ទាន់នៅក្នុងប្រទេសចំនួន ១១១ រួចហើយ ហើយថវិកាបន្ថែមប្រសិន បើត្រូវបានអនុម័តនោះនឹងមានគោលដៅសម្រាប់ប្រទេសដែលមានប្រាក់ចំណូលទាបនិងមធ្យម។
អ្នកនាំពាក្យធនាគារពិភពលោកបាននិយាយថា“ វ៉ាក់សាំង COVID-១៩ ដែលមានប្រសិទ្ធភាពនិងមានសុវត្ថិភាពគឺជាមាគ៌ាឆ្ពោះទៅមុខសម្រាប់ពិភពលោកដើម្បីបើកដំណើរការឡើងវិញដោយសុវត្ថិភាព”។
សេដ្ឋកិច្ចពិភពលោកនឹងមិនងើបឡើងវិញពេញលេញទេ រហូតដល់មនុស្សមានអារម្មណ៍ថាពួកគេអាចរស់នៅសង្គមធ្វើការនិងធ្វើដំណើរដោយភាពជឿជាក់បាន។
ថវិកានេះនឹងត្រូវចាត់ចែងក្នុងរយៈពេលពី ១២ ទៅ ១៨ ខែ។ វ៉ាក់សាំងកូវីដ១៩នេះ មិនទាន់មានលក់ជាលក្ខណៈពាណិជ្ជកម្មនៅឡើយទេ ប៉ុន្តែប្រធានធនាគារពិភពលោកលោក David Malpass បានប្រាប់កាសែតបារាំង Le Figaro ថា“ ដំណើរការនៃការចែកចាយវ៉ាក់សាំងគឺស្មុគស្មាញ” ហើយវាសំខាន់ណាស់ក្នុងការគិតពីតម្រូវការដែលទាក់ទងនឹងវា។
លោកកមានប្រសាសន៍ថា៖“យើងចង់ឲ្យប្រទេសក្រីក្របំផុតមានលទ្ធភាពប្រើប្រាស់វា (វ៉ាក់សាំង) ហើយនៅក្នុងប្រទេសទាំងនេះ យើងចង់ឲ្យប្រជាជនដែលងាយរងគ្រោះបំផុតនិងបុគ្គលិកពេទ្យត្រូវទទួលថ្នាំបង្ការ” ។
ធនាគារពិភពលោកបានបង្កើនការគាំទ្រផ្នែកហិរញ្ញប្បទានចំនួន ៤៥ ពាន់លានដុល្លារនៅចន្លោះខែមេសានិងមិថុនានៅពេលដែលសេដ្ឋកិច្ចពិភពលោកបានចុះខ្សោយចំពេលដែលការរីករាលដាលនៃជំងឺផ្តាសាយបក្សីប្រភេទទី ១៩៕ ដោយ ៖ CEN
