ភ្នំពេញ៖ មនុស្សរស់នៅក្នុងសង្គម គឺត្រូវមានការយល់គ្នា សាមគ្គីគ្នា ចេះស្រឡាញ់គ្នា ទើបសមជាពលរដ្ឋល្អ ជាពិសេស គឺរាល់ពេលមានរវល់ ឬ ទុក្ខម្តងម្កាល នោះគ្មានអ្នកណាក្រៅពីអ្នកជិតខាងជួយខ្នះខ្នែងនោះទេ ប៉ុន្តែ ផ្ទុយទៅវិញ បើយើងជាមនុស្សមានចិត្តចង្អៀតចង្អល់ចំពោះអ្នកជិតខាងជុំវិញខ្លួន សួរថាពេលមានរវល់ ឬក៏ទុក្ខ តើបានអ្នកណាមកក្បែរ។
ជាក់ស្តែង ដូចជាស្ត្រីម្នាក់នេះអ៊ីចឹង បានធ្វើឲ្យមហាជនមានការហួសចិត្ត និងគួរឲ្យស្អប់ជាខ្លាំង ក្រោយពីបានឃើញឥរិយាបទរបស់គាត់ចេញមកឆ្កាងដៃឆ្កាងជើងដូចមនុស្សទើបចេញពីព្រៃ បង្កជម្លោះឡើងបែកផ្សែង ជាមួយគ្រួសារមួយដែលកំពុងមានទុក្ខជាទម្ងន់ ខណៈពួកគាត់កំពុងរៀបចំពិធីដង្ហែសពដែលត្រូវជាប្តីជាឪពុកឡើងលើមាន។ រឿងហេតុ គឺដោយសារស្ត្រីរូបនេះដែលមិនចេះស្តាប់ហេតុផល ពោលជាមនុស្សដែលត្រូវបានដឹងថាគ្មានញាតិក្នុងភូមិរាប់រក បានផ្ទុះកំហឹងរឿងធ្វើមានក្រោមខ្សែភ្លើងរបស់គាត់ដែលកាត់តាមមុខផ្ទះគ្រួសារសព បើទោះជាខាងអគ្គិសនី និងខាងម្ចាស់មានធានាថាអត់មានបញ្ហាអ្វីកើតឡើងក៏ដោយ។
ក្នុងនោះ ដែរ បើ យោងតាមរយៈ គណនីហ្វេសប៊ុកឈ្មោះ Sëäv Fäng ដែលត្រូវជាកូនស្រីបង្កើតរបស់សពដែលបានទទួលមរណភាពខាងលើនេះ បានបង្ហោះវីដេអូពីទិដ្ឋភាពទំនាស់នេះ និងសរសេររៀបរាប់សម្តែងនូវការហួសចិត្តថា៖ «ហួសចិត្តសុំស៊ែរម្នាក់មួយផង បងប្អូន ក្រុមគ្រួសារខ្ញុំកំពុងតែមានទុក្ខគាត់នៅបន្ថែមទុក្ខមកអោយពួកខ្ញុំទៀត ចិត្តមនុស្សពិតជា ចង្អៀតចង្អល់មែន»។
ក្រោយមក គណនីជាកូនស្រីសពខាងលើ ក៏បានបញ្ជាក់ឲ្យដឹងថា៖ «បញ្ជាក់ មិនមែនរោងបុណ្យចូលដីគាត់ទេ គឺខ្សែភ្លើងរបស់គាត់កាត់មុខផ្ទះរបស់ខ្ញុំ »។
ជាមួយគ្នានេះផងដែរ ឃើញថាបងប្អូនអ្នកលេងហ្វេសប៊ុកជាច្រើនដែលមានការហួសចិត្តនឹងស្ត្រីរូបនេះជាខ្លាំង បានដាក់ឲ្យយ៉ាងចាស់ៗដៃថា៖ «អាក្រក់ម្លេះ មិនចេះយោគយល់គេជិតខាងកំពុងមានទុក្ខសោះអ៊ីចឹង, យាយនេះពេលងាប់ទៅគ្មានអ្នកណាចូលបុណ្យទេ បើចរិកចេញមកអត់យល់គេឯងបែបនេះ, មីមនុស្សគ្មានញតិវាចឹងហើយ, ចាស់ហើយគួរយល់ពីអ្នកភូមិឯងផង ប្រយ័ត្នងាប់ទៅគ្មានអ្នកចូលបុណ្យ, រូបរាងអាក្រក់ហើយ ចិត្តអាក្រក់ទៀតយាយនេះ»៕ ដោយ៖ លឹម ហុង
