ខេត្តស្វាយរៀង៖ លោក ផឹង និល ប្រធានសាខាការពារអ្នកប្រើប្រាស់ កិច្ចការប្រកួតប្រជែង និង បង្ក្រាបការក្លែងបន្លំខេត្តស្វាយរៀងនៅព្រឹកថ្ងៃទី២០ ខែតុលា ឆ្នាំ២០២០បានសហការជាមួយមន្ទីរពាណិជ្ជកម្មខេត្ត អាជ្ញាធរដែនដីចុះពិនិត្យមុខទំនិញនៅផ្សារ វាលយន្ត ក្រុងស្វាយរៀង ខេត្តស្វាយរៀង និងតូបអាជីវករលក់ដូរក្នុងមន្ទីរពេទ្យខេត្តស្វាយរៀង ដើម្បីស្វែងរកសារធាតុគីមីនិងទំនិញដែលហួសកាលបរិច្ឆេទប្រើប្រាស់។
ក្នុងឱកាសនោះដែរលោកលោក ផឹង និល បានអំពាវនាវដល់អាជីវករដែលជាអ្នកលក់ដូរត្រូវចូលរួមសហការជាមួយមន្ត្រីជំនាញ ដើម្បីធ្វើតេស្តរកសារធាតុគីមី ហាមឃាត់ដាក់ក្នុងម្ហូបអាហារនិងទំនិញហួសកាលបរិច្ឆេទប្រើប្រាស់ ដើម្បីចូលរួមលើកកម្ពស់សុខុមាលភាពប្រជាពលរដ្ឋឲ្យបានល្អប្រសើរ។
សកម្មភាពនេះដោយមានការចូលរួមពី មន្ត្រីមន្ទីរពាណិជ្ជកម្មខេត្តនិងលោក អភិបាលរងក្រុងស្វាយរៀង ព្រមទាំងកម្លាំងសមត្ថកិច្ចនគរបាលក្រុងស្វាយរៀងផងដែរ។
លោក ផឹង និល បានឲ្យដឹងថា ក្រុមត្រួតពិនិត្យ មន្ត្រីជំនាញយើងបានពិនិត្យគ្រឿងឧបភោគ បរិភោគនៅតាម ស្តង់ក្នុងផ្សារតាំងលក់ទំនិញមួយចំនួន និងបានប្រើប្រាស់ឧបករណធ្វើTest Kits បឋមលើម្ហូបអារហា ចំនួន២៦គំរូ ដើម្បីស្វែងរកសារធាតុគីមីហាមឃាត់ដែលធ្វើឲ្យប៉ះពាល់ដល់សុខភាពប្រជាពលរដ្ឋ ។ ជាពិសេសមន្ត្រី ក ប ប យើងក៏បានផ្សព្វផ្សាយ អនុក្រិត្យលេខ១៣៣ ស្តីអំពីផលិតផលចិញ្ចឹមទារក និង កុមារ លើសម្បកវិចខ្ចប់ម្សៅទឹកដោះគោផងដែរ ។
លោកបានបញ្ជាក់ថា ជាលទ្ធផលក្រោយការចុះអនុវត្តការងារ មន្ត្រីជំនាញយើងបានរកឃើញទំនិញមានសារធាតុគីមី ដូចជា៖ ងៀតបបែល ចំនួន៧Kg មាន (គីមី Borax ), ពពុះសណ្តែក ចំនួន៥Kg មាន( គីមៅBorax ) ហើយមន្ត្រីជំនាញយើងបានធ្វើកំណត់ហេតុដកហូតទំនិញទាំងនោះ យកមករក្សាទុក ដើម្បីធ្វើការដុតកម្ទេចចោលនៅពេលក្រោយ៕ ដោយ៖វ៉ៃកូ
