ភ្នំពេញ៖ បុរសជនជាតិចិនម្នាក់បើករថយន្តម៉ាក COROLLA បត់មិនប្រយ័ត្នជ្រុលទៅបុកជាមួយរថយន្តកូរ៉េបណ្តោលឲ្យបុរសជនជាតិចិនម្នាក់ រងរបួសស្រាល ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១០និង៣០ថ្ងៃទី២៦ ខែតុលា ឆ្នាំ ២០២០ ស្ថិតនៅតាមបណ្តោយផ្លូវ2004 សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
បើតាមប្រភពព័ត៌មានពីកន្លែងកើតហេតុ បានប្រាប់ឱ្យដឹងថា មុនពេលកើតហេតុគេឃើញបុរសម្នាក់បើករថយន្តកូរ៉េ ផ្លាកលេខ កណ្តាល 3A 0997 បើកតាមបណ្ដោយផ្លូវ2004 ទិសដៅពីជើងមកត្បូង ដោយមកដល់ទល់មុខផ្ទះជួលជុលម៉ាស៊ីនត្រដាក់ ក៏ឃើញបុរសជនជាតិចិន បើករថយន្តបត់មិនប្រយ័ត្នជ្រុលទៅបុករថយន្តកូរ៉េពេញទំហឹង បណ្តោលឲ្យបុរសជនជាតិចិនម្នាក់រងរបួសស្រាល ចំណែកឯតៃកុងរថយន្តកូរ៉េមិនមានរងរបួសទេ ខូចខាតតែរថយន្តផ្នែកខាងមុខ
រថយន្តម៉ាកCOROLLA ពណ៌ខៀវ ពាក់ផ្លាកលេខភ្នំពេញ 2D 6259 ក៏ជ្រុលទៅបុកជាមួយរថយន្តកូរ៉េ បណ្ដាលឱ្យរថយន្តទាំងពីររងការខូចខាតយ៉ាងដំណំ ចំណែករថយន្តម៉ាកCOROLLA ខូចខាតផ្នែកខាងទាំងស្រុង។
ភ្លាមៗនោះដែរ សមត្ថកិច្ចមូលដ្ឋានបានចុះទៅដល់កន្លែងកើតហេតុ និងបានរាយការណ៍មកសមត្ថកិច្ចជំនាញអធិការខណ្ឌពោធិ៍សែនជ័យ បានចុះទៅវាស់វែងយករថយន្តកូរ៉េ និងរថយន្តCOROLLA មកដាក់គៀនខាង ហើយខាងភាគីបង្កដែលជាជនជាតិចិន បានសង់ទៅលើរថយន្តកូរ៉េចំនួន700ដុល្លារ ដើម្បីបញ្ចប់រឿងនៅនិងកន្លែងកើតហេតុការណ៍តែម្តង៕ ដោយ៖មីដា ផាន់ណា
