ភ្នំពេញ៖បុរសម្នាក់សង្ស័យស្រវឹងស្រាបានបើកបុកពីក្រោយរថយន្តHighlander បណ្តោលឲ្យស្ត្រីម្នាក់រងរបួសស្រាល ហើយអ្នកបើករថយន្តបង្ករត់បាត់ស្រមោល ទុកតែរថយន្តនៅកន្លែងកើតហេតុ។
ហេតុការណ៍នេះបានកើតទ្បើងនៅវេលាម៉ោង៨និង៣០នាទីយប់ នៅថ្ងែទី២៧ខែតុលា ឆ្នាំ២០២០ ស្ថិតនៅចំណុចសណ្ឋាគារស ស្ថិតនៅក្នុងភូមិ៥ ផ្លូវលេខ៩៣ តាមបណ្តោយផ្លូវព្រះមុនីវង្ស សង្កាត់អូរឫស្សីទី៤ ខណ្ឌ៧មរាក រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់បើករថយន្តHighlander ពណ៌ស ពាក់ផ្លាកលេខភ្នំពេញ ២Y 1825 បើកបរក្នុងទិសដៅពីជើងទៅត្បូង មកដល់ចំណុចកើតហេតុ គេឃើញបុរសបួននាក់បើករថយន្តPRlUS បើកទាំងខ្លួនស្រវឹងស្រាបានបុកពីក្រោយរថយន្តHighlander រងការខូចខាតផ្នែកខាងក្រោយយ៉ាងដំណំ
ចំណែកឯរថយន្តបង្កមានគ្នាបួននាក់ រថយន្តបង្កមានពាក់ស្លាកលេខខេមរភូមិន្ទ 01 2-7737 ពណ៌សបើកបរក្នុងទិសដៅស្របគ្នា ហើយមកដល់មុខអូតេលស ក៏បានបុកពីក្រោយបណ្តោលឲ្យរងការខូចខាតដូចគ្នា។
ភ្លាមៗនោះដែរ ក៏ឃើញមានសមត្ថកិច្ចមូលដ្ឋាន បានចុះមកដល់កន្លែងកើតហេតុ រាយការណ៍ទៅសមត្ថកិច្ចជំនាញនៃអធិការខណ្ឌ៧មរាកបានចុះវាស់វែងយករថយន្តទាំងពីរគ្រឿង ទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ ដើម្បីដោះស្រាយគ្នាតាមក្រោយ៕ដោយ៖មីដា ផាន់ណា
